Page 45 - Djabierne 23 mart 2018.pdf
P. 45
Djabièrnè 23 Mart 2018 45
Fundashon Nir Kòrsou
Kantidat di kaso di problema
di nir na Kòrsou ta hopi serio
WILLEMSTAD.- E ku nir na Kòrsou ta hopi menshoná ku Kòrsou ta na
kantidat di kaso di problema serio. Den pasado a yega di di tres lugá na nivel mundial,
midí a base di e insidensia
di problema di nir kompará
ku kantidat di poblashon.
Awor aki no tin un bista di
esei, anke por konkluí ku e
problemanan ta sigui unu
masha serio i Kòrsou ketu
bai ta den tòp di mundu riba
e tereno aki.
EXTRA a informá algun
luna pasá ku ekspertonan
riba e tereno aki ta masha
preokupá pa e insidensia di
problema di nir ku ta pone
un preshon riba e kantidat
di lugá disponibel pa hasi
diálisis. Hasta mester manda
hende den eksterior loke ta
pone un preshon enorme
riba gastunan di salubridat.
Hopi di e problemanan ku
tin ku nir ta relashoná ku
hendenan ku no ta kuida nan
salú. Un parti ta hereditario.
Ekspertonan na mas
okashon a pidi pa duna mas
informashon, prinsipalmente
riba e aspekto di nutrishon
loke Gobièrnu a primintí di
bai hasi. Te awe sinembargo
esei no a tuma lugá i ta e
Fundashon ku poko rekurso
ta hasiendo esei.
Awor aki tin den kareda
di 290 kaso di pashènt di
nir ku ta dialisando riba nos
isla. Esei ta nifiká ku un di
kada 560 hende ku ta biba
na Kòrsou tin problema
ku nir. Den pasado ainda
e kantidat tabata 330
pashènt. E kantidat a baha
no pasobra tin progreso den
e proseso di konsientisashon
i hendenan a bai kuida nan
kurpa mas mihó. Mas bien
e kantidat a baha komo ku
tin mas hende ta biba na
Kòrsou awor aki (160 mil)
kompará ku e sifra di ántes.
Ademas posiblemente tin
hende ku problema di nir ku
a bandoná Kòrsou i bai biba
otro kaminda.
Pa pone atenshon na
e problema aki den e fin
di siman a keda di tene
un simposio kaminda
ekspertonan lo a papia riba
diferente aspekto. Miéntras
tantu a posponé e simposio
aki te otro luna. E simposio
awor lo tuma lugá dia 14 di
aprel awor. E simposio ta pa
krea mas konsiensia pa loke
ta trata e problema serio aki.
Ta posibel pa un hende biba
ku un nir pero no ta posibel
pa hende biba sin nir. Esei ta
ilustrá ku problemanan di nir
por kondusí na situashonnan
hopi serio i fatal.
