Page 47 - Djabierne 23 mart 2018.pdf

Djabièrnè 23 Mart 2018 47

Agensia di
Nashonnan Uní

Mester kambia

kustumbernan

di kome radikal-

mente den Caribe

Pa kombatí
obesitas

WILLEMSTAD.
- E organisashon
di Nashonnan Uní
pa asuntunan di
kuminda (FAO) ta kere
ku mester kambia e
kustumbernan di kome
den Caribe i Latinoamérika
radikalmente pa kombatí
gordura i obesitas. E
organisashon den un
análisis skèrpi di e
desaroyonan aktual
ta bisa ku no mester
dediká atenshon so na
eradikashon di hamber
pero mester dediká
atenshon na e problema
serio di hendenan ku ta
muchu obeso, entre nan
hopi mucha.

Segun sifranan, 7
porshento di mucha bou di
5 aña ta demasiado gordo i
20 porshento di adulto den
24 pais den nos region ta
muchu obeso. Nashonnan
Uní a pidi gobièrnunan den
nos region pa pone e lucha
kontra malnutrishon haltu
riba agènda di tumamentu
di desishon. Diferente
gobièrnu a aseptá e
petishon aki.

Segun sifranan ku
ta disponibel awor aki,
na mundu ta konsiderá
ku 1.9 bion hende ta
demasiado gordo i 650
mion ta obeso. E situashon
mas preokupante ta na
Latinoamérika i Caribe
kaminda ta kalkulá ku tin
96 mion hende ta obeso ku
tur e konsekuensianan ku
esei ta trese kuné. Banda
di e situashon di obesidat
i e kantidat di malesa ku
e kondishon aki ta trese
kuné, tin preokupashon pa
un otro aspekto. E kantidat
di hende ku ta sufri di
malnutrishon ta subiendo.
Awor aki tin mas ku 42.5
mion hende den nos region
ku no tin di kome, loke
ta 2.5 mion mas tantu
ku den e registro ofishal
anterior. Un di e paisnan
kaminda malnutrishon ta
oumentando ta Venezuela.

Segun e eksperto

Sigui lesa pagina 48