Page 8 - MIN JUS 24 JULY 2015
P. 8
PAGINA 44 DIARIO DIABIERNA 24 JULI 2015
Huez a duna
castigonan mas
abao cu locual
fiscal a exigi,
den caso di
actonan sexual
indebido
ORANJESTAD (AAN):
Informacion for di Maastricht,
tamustracuCortediMaastricht
a condena un sospechoso na 6
luna di castigo di cual 3 luna
ta condicional, pa comete
actonan sexual indebido cu un
mucha muher di 16 aña.
E sospechoso tabata un
persona cu ta traha cu
hobennan cu a bira victima di
‘loverboys’.
Loverboys ta un fenomeno
unda cu un adulto ta priminti
y ta regala un persona hopi
mas hoben cune varios cos, a
cambio di placernan sexual.
Un di dos sospechoso a haya
un castigo di 5 luna di cual 2
ta condicional y e acusado aki
tambe tabata traha cu hoben.
Diez otro sospechoso a haya
un castigo di 1 dia, combina
cu trabaonan comunitario di
entre 120 cu 240 ora.
Ecastigonandunasinembargo,
tabata mas abao di locual
Ministerio Publico a exigi.
OM su intencion tabata pa
duna e grupo di homber entre
5 luna y 1 aña di castigo
incondicional.
Sinembargo, huez a Sali
for di e punto di bista
cu e sospechosonan no
concientemente tabata
buscando pa hasi sex cu un
persona menor di edad.
Pesey e castigonan duna
tabata menos.
Sinembargo, corte ta haya
si cu e hombernan mester a
purba di haya sa mihor si e
persona tabata menor di edad
of no.
Solamente basa nan mes riba e
aviso den cual e mucha muher
ta bisa cu e ta mayor di edad y
solamente kere su palabra no
ta suficiente.
Segun corte, e sospechosonan
a daña integridad di e mucha
muher seriamente y nan lo a
causa e mucha muher daño
mental.
Otro siman corte ta duna su
veredicto contra un di dos
grupo, cu tambe tabata cliente
di e mucha muher cu tabata
bende su curpa pa placa.
