Page 61 - flip Min.Vos
P. 61
Delegacion hubenil di tennis a sali pa e Junior Tennis Compitition na Republica
Dominicana
Thursday, 19 March 2015 13:39
Comparti
Despues di e exitoso torneo di Davis Cup na El Salvador unda Aruba a sa na conkista e titulo maximo den
tennis hubenil masculino, diahuebs ultimo, un otro delegacion di tennis a sali rumbo Republica
Dominicana unda dos ekipo di Aruba lo competi den e World Junior Tennis Competition.
Mester bisa cu e miho hungadonan di e region hubenil di Centro America y di Caribe ta participa na e
torneo aki. Pa un siman largo tenistanan femenino y masculino te cu 14 aña di edad representando 16 pais
lo hiba un bataya fuerte pa saca e miho nan di nos region. E canchanan di Parke de Este lo ta e cas di e
World Junior Tennis Championship. Diadomingo ultimo e torneo a inicia cu e Captains meeting ariba
mientras dialuna e prome partidonan a cuminsa pa Aruba y e demas paisnan participante. Ta bon pa
menciona cu Aruba lo wordo representa un team di mucha muhe nobo, esta Kayla Solagnier, Aethielle
Kelkboom y Yelsivette Croes, e coach encarga pa guia esaki lo ta Henk Bouwman.
Di otro banda e team di mucha homber ta uno conoci y ta consisti di e hungadonan Frederick Sydow, y
Alexson Hessels, mientras cu Franz Sydow lo fungi como nan coach. E torneo lo finalisa diasabra awor 21
di maart. Pa su mañan diadomingo e muchanan lo regresa Aruba.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e
delegacion di tennis hubenil pa loke ta e Junior Tennis Competition .
Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e comision di subsidio.
http://www.24ora.com/deporte-mainmenu-7/93098-delegacion-hubenil-di-tennis-a-sali-pa-e-junior-
tennis-compitition-na-republica-dominicana
