Page 62 - flip Min.Vos
P. 62
DA di Aruba Little League, Rhudy Donata a atende congreso Latino Americano y del
Caribe
Thursday, 19 March 2015 13:27
Comparti
Fin di februari Aruba Little League a atende un congreso anual di Little League Latino Americano y del
Caribe na e pais di Sint Maarten. Aruba Little League a wordo representa pa su DA(district
administrator) Sr. Rhudy Donata.
Mester bisa cu e congreso tabata uno hopi importante y valioso pa e desaroyo di Little League den e area
di Caribe y Latino America. Durante di e congreso varios cambio interesante den e reglanan a wordo
stipula cu lo bira vigente pa e campeonato 2015. E puntonan cu mas a resalta ta:
$11. Cambio di edad di e hungadonan pa aña. Esaki nos lo pone textualmente na Ingles:
“Como resultado di e reciente ahustenan riba e strategia di implementacion, efectivo di inmediato,
cualkier hungado naci riba of despues di prome di januari, 2006, kende lo tin e edad di 4 pa 9 aña
durante e aña calendario 2015 lo ta eligibel pa participa den e programa local di Little League y lo uza
e edad nobo dicidi riba dje riba 31 di December, pa resto di nan carera den baseball di Little League.
Hungadonan lo sigui wordo asigna na un division basa riba e structura di liga divisional local.”
2. Little League I Internacional kier promove baseball pa muchanan special
3. Promove e deporte di softball pa mucha muhe 21.
Por ultimo mester bisa cu probablemente na aña 2016 e congreso anual di Little League pa Latino
Americano y di Caribe lo tuma luga na Aruba
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di DA
di Aruba Little League pa e atende e congreso anual Latino Americano y del Caribe na Sint Maarten.
Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e comision di subsidio.
