Page 64 - flip Min.Vos

Tri-atleta Renze Postma a logra resultado satisfactorio den e CAMTRI
Triathlon
Thursday, 19 March 2015 13:44

Comparti

Den e weekend tras di lomba, e tri-atleta elite, Renze Postma a bolbe mira accion den exterior unda e la
competi na e circuito CAMTRI Triathlon America Cup y Bolivarian Cup e biaha aki na Lima , Peru.
Den luna di februari, Renze Postma a competi na mesun competencia cu a tuma luga na Barranquilla,
Colombia. E trayectorio cu Renze a cubri tabata landa 1500m, core bicicleta 40 km y core na pia 10 km.
Mester bisa cu e evento tabata un super exitoso pa e tri-atleta Renze Postma kende a logra un tremendo
resultado na Lima, Peru unda e la termina e careda na di 11 luga overall den 22 participante. Tambe Renze
ta logra impone un record personal nobo di 1 ora, 53 minuut y 20 seconde. E circuito di ITU ta uno di
nivel mundial unda e miho nan di mundo ta competi y notabel ta cu den e careda aki, Renze ta laga fuerte
competidornan di Japon, Peru, Colombia, Uruguay, Chile y Venezuela su tras.
Un danki sigur na Lotto, e Loteria di Aruba pa medio di Comision di Subsidio cu a subsidia pa e tri-atleta
Renze Postma por competi na e 2015 CAMTRI Triathlon America Cup y Bolivarian Cup di Lima, Peru

Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e comision di subsidio