Page 32 - AWEMAINTA
P. 32
32 AWEMainta Diamars, 19 September 2017
Staff y personal di Aruba Airlines a
organisa un dia di limpiesa rond di
nan oficina principal na Cumana
DIASABRA for di mainta tempran staff y personal
di Aruba Airlines hunto cu algun miembro di famia y
amigonan a bin hunto p’asina cuminsa cu e trabounan
di limpiesa rib’e parkinglot dilanti di nan oficina y
asina tambe aporta na tene nos dushi isla limpi.
Den un ambiente hopi ameno y cu hopi entusiasmo
a cuminsa for di oranan di mainta y a termina te den
oranan di atardi, asina dunando di nan parti pa haci
e alrededor y e parkeo di e oficina principal di Aruba
Airlines limpi pa un miho higiena.
Aruba Airlines ta gradici e comunidad Arubiano y
pasaheronan pa e confiansa cu nan ta deposita den
Aruba Airlines. Aruba Airlines ta preparando pa cum-
insa cu buelonan interisland muy pronto lo ta bay
re inicia cu e destinacion di Corsou y tambe lo bay
inaugura buelo pa e destinacion di Boneiro.
Keda pendiente den transcurso di e simannan nos
dilanti, lo bay publica mas informacion di e buelonan
pa destinacionnan nobo.
