Page 54 - MIN.ON APRIL7 2015

A cuestiona cu a tuma 4 medida contra maestro di scol y
investigacion ta andando ainda

Publication: Tuesday, 7 April 2015. Categoria: General
Segun Presidente di Parlamento

ORANJESTAD (AAN) Siman pasa tabatin un reunion maratonico den Parlamento unda a trata e
problema cu a surgi na Scol Kudawecha entre un mayor, alumno, docente y e consecuencianan
cu esaki a trece cune, pero tambe e aumento di schoolgeld di SKOA.
E tabata un encuentro cu a finalisa den oranan di madruga. Na final Presidente di Parlamento,
drs. Marisol Lopez Tromp a splica cu e encuentro aki tabata pa trata dos topico cu el a considera
di gran importancia pa cual a pidi presencia di e mandatario.
E punto di schoolgeld di SKOA tabata un reunion pidi door di fraccion di MEP algun tempo pasa
debi na tur e discusionnan cu a surgi riba aumento di e schoolgeld y den e reunion miembronan
di Parlamento a haya chens di haci pregunta directamente na e Minister encarga. E mandatario a
splica cu e tin un caso andando contra SKOA pasobra e no ta di acuerdo cu e proceder aki.
Pa loke ta e otro tema di e juffrouw di school na Kudawecha, e Presidente di Parlamento a splica
cu recientemente alumnonan di 6de klas di Kudawecha compaña pa nan mayornan a acudi cerca
su persona y parlamentarionan pa entrega un carta. Nan a expresa nan preocupacion cu nan ta
den e ultimo luna di nan preparacion a bay scol secundario y e juffrouw no tey mas. Nan a
expresa cu nan kier nan juffrouw bek dilanti klas.
El a sigui splica cu e carta entrega na Parlamento ta riba un decision tuma door di DPS (Dienst
Publieke Scholen) den nomber di e Minister, cu ta duna cuatro decision. “Esaki ta mustra bon cla
cu tin decisionnan tuma caba mientras cu e Minister ta bisa tin investigacionnan andando pa
tuma decisionnan despues. Riba esaki tabatin hopi pregunta cu a surgi den sala, pasobra mayoria
ta cuestiona con por ta posibel cu tin decisionnan asina severo tuma contra un maestro di scol
siendo cu ainda tin un investigacion andando .”