Page 56 - MIN.ON APRIL7 2015

Di con Gobierno no por adapta su presupuesto cu 1 miyon
pa SKOA

Publication: Tuesday, 7 April 2015. Categoria: General
Parlamentario Bikker no ta compronde

ORANJESTAD (AAN) Parlamentario Andin Bikker, di partido PDR, no ta compronde con un
Gobierno cu ta consciente di e pobresa, pa cual a introduce reparatietoeslag, no a actua diligente
den e asunto di aumento di schoolgeld di SKOA, cual lo tin un efecto grandi riba e presupuesto
di famianan di Aruba cu tin yiu bayendo scol.
E tema di aumento di schoolgeld di SKOA ta den discusion pa algun tempo caba pa cual e
fraccion di MEP a dicidi di pidi un reunion publico riba e tema aki y cual a tuma luga siman
pasa.
Pa cuminsa, Parlamentario Bikker cu e asunto di schoolgeld aki ta simplemente un problema di
con fondonan publico ta wordo aloca y con Gobierno ta pone su prioridadnan.
“Mi por bisa cu nos ta haya straño cu un Gobierno cu a bin cu un ley pa loke ta Reparatietoeslag
cu hopi hopi famia mes ta haciendo uzo di dje, gradicidamente, y a sabienda cu tin hopi famia
eyfo cu mester di apoyo pa nan poder di compra, y un Gobierno cu sa di propio investigacion cu
60% di e trahadonan ta hibando menos di 2300 florin cas unda cu 2600 florin ta necesario pa
sobrevivi, no ta duna su cooperacion cu e deficit di menos di 1 miyon florin cu SKOA tin.”
Bikker a sigui splica cu cu pa amenos 1 miyon riba un deficit di 200 miyon, cu ta locual e
presupuesto di Pais Aruba tin, ta hiba SKOA (e fundacion aki ta maneha un 85% di scolnan
basico na Aruba) Corte. “Basicamente Gobierno ta core pa su responsabilidad di duna e
fundacion mas subsidio,” Parlamentario Bikker a trece dilanti.
Analisando e presupuesto, segun e Parlamentario a sigui splica, Raad van Advies a mustra na
diferente caminda cu tin placa ta wordo destina pa huur di edificio, sumanan cuantioso, siendo cu