Page 57 - MIN.ON APRIL7 2015

e Gobierno aki a bisa cu nan lo baha e cantidad di huurnan. Enbes di baha huur, Gobierno ta opta
pa hiba e fundacion aki Corte y no aloca fondonan adicional.

El a recorda cu na 2012 su fraccion a presenta amiendanan di riba un miyon florin. “Si nos como
fraccion di un persona por presenta amiendanan den un presupuesto, anto kico ta di Gobierno
mes cu por busca un solucion pa un miyon florin cu loke ta falta pa subsidio na SKOA.”

Pa loke ta e caso di e maestro (femenino) di Kudawecha cu a wordo geschors, e lider di PDR a
duna di conoce cu el a sinta scucha y a observa cu nan no a haya tur informacion. Pero a tuma
nota di e decision tuma pa schors e docente. El a bisa cu na momento cu schors un maestro e ta
algo temporal. “Bo no por tuma un decision definitivo. Nos a haya hopi straño y a cuestiona e
hecho cu den e decision tuma no solamente a schors e docente pero tambe a inform’e cu ta kit’e
di su puesto permanentemente y ta conseh’e pa sigui tratamento psychologico. Esaki ta cosnan
cu no ta cuadra at all. Nos no ta compronde e linea di pensamento di Gobierno of esnan cu a
tuma e decision,” Bikker a duna di conoce.

http://www.diario.aw/2015/04/di-con-gobierno-no-por-adapta-su-presupuesto-cu-1-miyon-pa-skoa/