Page 35 - DIARIO SEPT 10
P. 35
DIAHUEBS 10 SEPTEMBER 2015 DIARIO PAGINA 35
Un par di
supermercado
grandi a baha
prijs di carni
ORANJESTAD (AAN) – Algun
consumidor a comenta na
redaccion di DIARIO, cu ta bon
cu algun supermercado grandi a
baha prijs di carni, di manera cu
e productonan aki a bira un poco
mas accesible na nan cartera.
Di nos banda, nos mes a
bay check un ke otro, y a
puntra den un supermercado
y efectivamente, nan mester
a baha prijs di carni pasobra
na dado momento nan a perde
cliente, debi na e prijs “un tiki
halto” (excesivamente halto) cu
nan a tabata bende pa un par di
luna atras.
Ta bon cu cierto comerciantenan
a pone man na curazon, y
ohala esaki sosode cu otro
productonan tambe manera fruta
y berdura, cu ta parti esencia di
un bon nutricion, nos tur mester
y merece.
Ban mira si den
supermercadonan Chines
den distrito tambe prijsnan ta
cuminza baha un poco, pasobra
nan si ta abusando di prijs riba
tur producto, incluyendo esnan
controla pa gobierno, y esaki si
ta e colmo!
En todo caso, ta di spera cu
e comerciantenan cu a dicidi
di baha prijs di carni mantene
asina aki, pasobra con cu
bay bin ta un parti integral
di e alimentacion di e pueblo
Arubano, practicamente, den
termino general.
Chauffeur
cu a causa
desgracia y
sigui core a
keda deteni
ORANJESTAD (AAN) --
Dialuna mey anochi ora cu
patruya di Playa a caba di tuma
datonan di un asistencia na
Tanki Leendert, polis a wak un
auto core bay direccion nort. E
auto tabata tin daño na banda
robez dilanti. Chauffeur di un
otro auto cu tabata core tras di
e auto cu daño a grita for di su
auto cu esun su dilanti a caba di
ocasiona un desgracia y a sigui
core. Esaki a pone cu e patruya a
sigui tras di e auto y a para esaki
na altura di Tanki Flip 63 C,.
polis a constata cu e chauffeur
tabata bao di influencia y el a
keda deteni.
E sospechoso, CAPN a wordo
mustra riba su derecho y hiba
warda di polis unda el a keda
presenta dilanti fiscal auxiliar,
pasa test y a keda interoga.
Resultado di e test a sali
negativo pe y el a wordo poni
na altura di esey, proces-verbaal
a wordo traha y mas o menos 3
or di madruga a lagu'e liber.
