Page 38 - DIARIO SEPT 10

PAGINA 38 DIARIO
Aruba a hera clasifica, casi a clasifica, por poco a
clasifica y ta elimina
Nos seleccion a hunga e wega di vuelta contra St. Vincent & Grena-
dines y a gana 2-1, pero a keda elimina.
Con cu bo mira e resultado aki, nos por bisa cu nos seleccion taba-
ta cerca di e 3-0 ora cu nan tabata ariba 2-0. Aunke nos ta lamenta
cu e no a logra pasa pa siguiente vuelta.
E nivel cu a yega aki ta un nivel cu no tabata conoci pa hopi tempo..
TEMPO DI GLORIA
Den pasado nos futbolistanan a yega te den Weganan olimpico na
Helsinki..
Despues di e añanan ey nos seleccionnan a yega di gana wegan-
an di paisnan cu awe ta grandi mundialmente.
Nos tabata bataya cu masha exito y nos futbol a deteriora y a pasa
decenas di aña sin actividad futbolistico cu realmente a bal la pena.
Hasta islanan di den Caribe no por a para banda di
nos prome cu nos futbol a tuma e rumbo di baha
cabez.
E seleccion cu nos tabata tin diamars tabata un se-
leccion cu un acercamento hopi mas profesional
e biaha aki.
Esaki mester bay acompaña tambe cu profesional-
ismo riba nivel di competencia local .
Aki no ta papia di sueldonan y pagonan miyonario
of mas halto of double of triple di locual tin actual-
mente.
Berdad por ta cu como isla chikito cu competencia local, e placa ey
no por wordo produci, pero loke si ta necesario, ta un maneho
profesional..
No solamente di e director tecnico pero tambe di directiva di e
equipo nan y directiva di e bond di futbol.
Asina, un presentacion cu demasiado equipo local ta reduci e nivel
competitivo di e competencia y ta resulta den un circunstancia cu no
ta duna hopi animo..
A mehora algo cu e idea di un vuelta di cuatro.. mester bay mas leu
cu esey.
Mester yega na un situacion cu riba termino corto bo ta reduci e
cantidad di equipo durante torneo pasobra bo tin tanto futbolista y ni BEK PA NOS MUCHANAN
tanto manera di trece futbolista di afo tampoco pa sostene un compe-
tencia cu realmente ta yega na nivel di e organizacion, cu ta pone mi
paga television y sali di cas bay stadion, wak e wega eynan.
Esey ta loke ta haci e asunto mas interesante, y no stadionnan cu
200m, 150 of 100 hende, of stadionnan cu te hasta di 50 of 25
hende den dje pa mira wega.
Profesionalismo ta importante como sistema di pensa , sistema cu
ta determina ki paso bo ta tuma pa bo actua. Den deporte e ta di
vital importancia en conexion cu e competencia cu bo ta haya di tur
caminda.
Esey ta conta pa tur deporte y sigur pa esnan principal den asisten-
cia y den interes publico, esta futbol, baseball, volleyball, softball Si durante campeonato stadion ta bashi cu 200, 150 , 100 of menos
por ehemplo.
FESTIVALNAN DI MUSICA
Mira otro banda di eventonan cu profesionalismo.
E eventonan conoci como Festivalnan, manera esnan di Jazz y mu-
sica latino, y cu artistanan grandi di fama mundial.
Nos ta ripara cu aña tras aña e eventonan aki ta bira mas grandi y
ta organiza mas profesional.
DIAHUEBS 10 SEPTEMBER 2015
Eventonan cu ta crece debi na e organizacion profesional su tras
y cu ta sigui crece cada aña y cu semper ta anticipa cos grandi pa
proximo evento.
E profesionalismo, bo ta mir’e, observ’e y bib’e, como hende cu ta
asisti, paga cent pa drenta y sigui e actividad y no tin manera pa bo
sali sin satisfaccion di mira e superstarnan grandi y cu ta bin den
ambiente grandi, escenarionan grandi y cu procesonan organi-
zatorio super grandi y cu ta nifica un cos ehecuta na tur nivel di pro-
fesionalismo cu un tipo di evento asina por exigi y cu e Aruba chiquito
aki via su organizacionnan di festivalnan musical ta produci y
duna asina tanto hende alegria y hasta extra entrada.
Esaki sin conta e cantidad grandi di hende cu ta traha ademas pa e
evento.
Tin profesionalismo di optima forma y profesionalismo ta nifica
tambe reconoce e caminda cu mester di asistencia di otro hen-
de, y den e festivalnan aki por ripara cuanto compania ta colabora y
traha cu otro.
Nan ta garantiza un presentacion cu den tur sentido
di palabra hasta ta surpasa eventonan parecido di
paisnan mucho grandi cu nos.
Profesionalismo ta un estado mental y pesey no
ta importante si bo ta un pais enorme rico of un isla
chikito den e Oceano Atlantico enorme di cual nos
Lama Caribe ta forma parti.
E ta nifica cu ora bo pensa profesional bo ta actua
na un nivel completo di stabilidad y alcancenan y
logronan excepcionalmente halto y cu ta ponebo
den luz distinto.
Den mundo di deporte tin diferente asunto cu ta hiba nos den e direc-
cion ey. Den mundo di espectaculo nos tin e festivalnan sin igual.
Tin tambe Carnaval den su totalidad y concurso di tumba, Calyp-
so y Soca monarch cu por tin nivel mucho mas halto si profesional-
ismo di pensamento realmente penetra di tal manera cu bo ta logra
mucho mas cu bo por logra.
E eventonan aki a demostra cu bo por yega mas leu cu bo ta kere.
Bo mester tribi na pensa cu bo mester habri tur orea , tur cabez,
tur bentana y tur porta, pa laga aire fresco di innovacion drenta
pa asina organizacion por alcanza cu profesionalismo, metanan
mucho mas halto cu hamas bo a kere cu lo ta posibel.
Nos mester cuminza na pensa riba nos muchanan. Nos muchanan cu
no ta haya oportunidad di wak e equiponan di Division di Honor y e
otro divisionnan hunga.
E organizadornan mester cuminza na pensa riba habri porta y laga
muchanan te cu 13 aña drenta PORNADA pa mira weganan di
campeonato. Laga e muchanan mira e grandinan riba tereno.
Mayoria di mayor no por permiti di bay mira wega cu casa y dos of
mas yiu. Hasta esnan cu un yiu tin problema awendia pa bay wega
cu casa y yiu. Si e yiu(nan) ta bao di13 aña, laga nan drenta POR-
NADA
hende cu a paga, yena e stadion poco mas dunando e muchanan
entrada gratis. E banki no ta gasta si tin mas mucha sinta riba dje.
E ta keda mescos cu e tabata ora e tabata bashi. Laga e muchanan
cera conoci cu e idolonan cu nan ta tende di nan. Laga nan haya
interes den e deporte y wordo stimula asina pa crece cu e deporte
tambe.
Laga e muchanan for di chikito wordo pica pa e sangura di “futbol” y
sigui biba despues cu e malesa “futbolista” den nan sanger.
Juby Naar