Page 6 - DIARIO SEPT 10

PAGINA 6 DIARIO DIAHUEBS 10 SEPTEMBER 2015

Coney Island preparando pa habri 24 di September
Vortex a bolbe bin Aruba pa reta tur hende

ORANJESTAD(AAN): Diaranzon mainta hendenan por
a mira movimento riba veld di Cricket den Vondellaan na
Playa.

Por a mira varios ekipo di Coney Island y tambe con nan
tabata habriendonan y bezig ta set up.

Coney Island tin basta tempo sin bin Aruba y awor e tey
atrobe. Ainda nan ta wardando un otro cargamento yega cu
mas ekipo pa asina nan sigui arma. Segun informe ricibi di
e doño, nan ta purbando pa keda cla y habri Coney Island pa
Aruba disfruta di dje dia 24 di September mes.

Un di e atraccionnan ta “Vortex”, cu ultimo biaha a reta
hopi hende si nan por cu e atraccion aki cu ta pone nan draai
boca abao.

Aparentemente no tin
mas ticket di 75 florin

ORANJESTAD (AAN)- Un comerciante den caya grandi
a bisa cu e situacion di paramento den caya ta un situacion
fastioso y mester splica mas mihor. Segun e comerciante
e tin un negoshi den caya y tin 2 auto. El a dicidi di yama
e oficina di Aruparking pa asina e haya informacion pa
e por cumpra un ticket pa luna pa e para su autonan.
Como contesta el a haya cu no tin mas ticket di Afls. 75,-.
E comerciante un poco asombra a puntra e personal di
Aruparking, kico e mester haci awor pa e para su auto?Como
contesta el a haya cu e mester cumpra un ticket tur dia. E
comerciante a bisa cu con por ta cu ya e ticketnan di 75
florin a caba? Acaso e paramento pa doñonan di negoshi y
trahadornan ta limita den caya grandi? E ta spera cu por tin
mas informacion riba e asunto fastioso aki ya cu e ta bisa con
cu bay bin e ta un comerciante y cu ta contribui grandemente
cu economia di Aruba pa awor e mester confronta cu un
situacion asina.