Page 37 - MTTC MARCH 3,2015

Minister Oduber a laga sa cu awo ta keda nan e compania pa nan por cumpli cu tur e rekisitonan di
siguridad y safety cu ta wordo exigi pa medio di e AOC. E tres prome destinacionnan regional cu Tiara tin
intencion pa bula ta Corsou, Punto Fijo y Maracaibo. Minister Oduber a splica cu tur compania cu ta bula
vuelonan pa y for di Aruba mester cumpli cu e Passenger Facility Charge, TPL cu ta bay pa Aruba
Tourism Authority y e tarifa cu ANSA ta cobra pa su servicionan. Pa companianan cu un AOC di Aruba cu
no cumpli cu e pagonan aki nan AOC lo wordo “ingetrokken” (revoca). El a bisa cu pa loke ta e dos miyon
cu pa medio di Parlamento a pone disponibel pa Tiara Air, e no ta wak un problema, pasobra pa un gran
parti Tiara a cumpli cu e compromiso di e pagonan. Esaki tabata un inversion di un biaha y no lo ripiti
mas. E minister ta splica cu loke e ta mira ta un compania nacional cu por supera problema, por cuminsa
bula y provee empleo, ta trece turista Aruba y mester keda mira padilanti awo y ta keda semper na e
compania mes pa cumpli. “Na momento cu nos permiti un avion lanta su vuelonan, como Aruba - y sigur
un compania cu tin un AOC Arubiano, anto nos mester ta sigur y nos ta compromete na e usuarionan cu
bo por bula trankilo pasobra bo por tin e aspecto di siguridad y safety completamente cubri,” Minister
Otmar Oduber a subraya. Mester cumpli cu tur medidanan, como tambe e inspeccion cu ta wordo haci
prome cu avionnan cuminsa bula. Oduber a bisa cu no tin un tempo stipula pa nan cuminsa bula, pero
ora cu e tempo yega lo tin cierto inspeccion cu lo tuma luga. Si Departamento di Aviacion Civil haya cu e
compania ta responsabel y por carga e responsabilidad den futuro e ta haya su AOC

http://www.24ora.com/politica-mainmenu-18/92442-minister-oduber-tiara-air-a-haya-su-aoc-y-mester-
cumpli-cu-reglanan-di-siguridad-y-safety

Festival di un canto na Aruba su himno y bandera ta inicia cu
tres dia di prefinal y dos dia final

Monday, 02 March 2015 22:25
Comparti

Fundacion Festivalnan Himno y Bandera y Dande, Comision Promove Cultura conhuntamente cu
Ministerio di Cultura, Departamento di Cultura Aruba (DCA) y Comision Cele bracion Dianan Nacional
(CCDN) ta participa cu e Festivalnan ta inicia riba diamars 3 di maart 2015.

Tin tres dia di prefinal cu ta dia 3, 4 y 5 di maart cu nan lo cuminsa for di 6’or di atardi riba Plaza
Turismo, Linear Park.
Riba diasabra 7 di maart lo tin e final pa infantil y hubenilnan y riba diadomingo 8 di maart lo tin e gran
final pa e adultonan ambos lo inicia for di 6’or di atardi riba Plaza Turismo, Linear Park.
Un di e festivalnan cu ta creciendo mas y mas cada aña. Esun di infantil y hubenil tin 12 aña caba cu e ta
tuma luga y esun di adulto tin 20 aña cu esaki ta tuma luga.

Den e prefinal tin un cantidad di 83 participante.

E gran festival ta ser dedica na cinco persona esta:
- Sulaika Geerman, compsitor, areglista, cantante y dirigente di koor;
- Carlos Calai Bislip, compositor, areglista, docente di musica, dirigente di orkest;