Page 41 - MTTC MARCH 3,2015

problematica cu tin rond di nos beachnan pa loke ta trata e bishitantenan di nos barconan crucero.
Den e cuadro aki Gobierno a inicia un proceso di embeyesimento pa eleva e calidad di nos beachnan.
Pa mas di un anja y mey pasa a cuminsa e proceso aki, unda cu fondonan di FTA y TPEF lo cubri e
gastonan pa loke ta e trabounan cu ta wordo haci.
Mientras ta trahando pa drecha beachnan, encuentronan pa cu e desaroyo di e ’beach policy’ ta andando,
unda lo rerglamenta tanto e sector di hotel y tambe e sector di watersport. Asina aki un ta complementa e
otro y ta percura pa crea un plan integral cu lo facilita e problematica cu tin riba nos beachnan na e
momentonan aki, e mandatario a bisa.
Surfside Beach ta un di e proyectonan di embeyesimento di nos beachnan, pa cual a cuminsa cu e
proyecto na Baby Beach. E proyecto aki na surfside ta un conceccion entre Linear Park I y Linear Park II .
Aki ta treciendo mehoracion den henter e area aki, unda antes tabatin un infrastructura perdi, awor lo
por conta cu area accesibel, bunita cu facilidadnan di banjo, kiosko y parkeo pa comunidad y e bishitante.
Manera por a compronde di Minister Oduber e proyecto aki den su totalidad tin un costo di 2.1 miyon
florin. Aki a inclui un infrastructura cu facilidad di kiosko cu ta parti di e proyecto y lo percura pa brinda
loke cu tabata falta na nos beachnan unda e posibilidad di F&B., baño y douche a wordo crea, y si mira
banda di esaki lo topa cu henter un infrastructura cu ta brinda facilidad di parkeo y asina aki evita
autonan pasa ariba e beach cu tambe ta bay yega na su turno pa wordro drecha.
E embeyesemento aki ta uno importante pa eleva e calidad di loke Aruba ta ofrece. Cu esaki ta ilustra cu
fondonan a wordo haci disponibel pa mehora e calidad di producto Aruba.
Ta premira cu e proyecto na surfside beach lo wordo entrega dentro di 2 pa 3 luna, y na mes momento ta
andando tambe e proyecto na Arashi , cu ta un inversion di mas o menos 700 mil florin pa crea asina aki
facilidadnan cu ta puntonan clabe di e servicio cu nos kier brinda y asina atrae bishitantenan di barconan
crucero tambe.

http://www.24ora.com/local-mainmenu-5/92432-embeyesemento-di-nos-beachnan-lo-eleva-e-calidad-
di-producto-aruba-
http://masnoticia.com/gruponan-uni-hopi-satisfecho-cu-organisacion-smac/
http://masnoticia.com/dangui-oduber-mientras-otmar-oduber-ta-declara-publicamente-cu-e-ana-aki-lo-
tin-crecemento-den-cantidad-di-barconan-crucero-schedule-di-apa-ta-demostra-lo-contrario/