Page 9 - BNDIA ARUBA

A9
reino Diahuebs 28 september 2017
Venezuela lo extradita Jorge Jamaloodin pa Corsou

WILLEMSTAD – Venezuela a bay di acuerdo cu
extradicion di ex minister y ex politico di MFK,
Jorge Jamaloodin den e caso Maximus. Esey por
conclui for di palabranan cu Abogado General a
expresa awe mainta den continuacion di e caso
di apelacion contra Burney Fonseca.

Fonseca a haya un castigo di prizon di 25 aña, como
intermediario entre lesnan cu a mata e dirigente polit-
ico Helmin Wiels y esunnan cu a paga, conoci como e
autornan intelectual di e crimen. A mata sr. Wiels dia
5 di mei 2013 na Maria Pompoen. Fonseca por cierto
ta sirbiendo un castigo di prizon pa un otro caso den
cua tabata transporte di droga.
Awe mainta Corte di Apelacion a dicidi cu ta bolbe
pone un regie-zitting pa e caso Maximus, cu e sos-
pechoso sr. Fonseca. Ta bay trata e siguiente regie-
zitting dia 7 di december pa 08:30.

Abogado-general (AG) a anuncia awe cu OM kier
scucha sr. Jamaloodin como testigo den e caso aki.
Segun Abogado General por spera cu sr. Jamaloodin
ta na Corsou entre awor y algun siman.
E abogado di sr.Fonseca a anuncia cu ta buscando un
abogado na Hulanda pa yuda defensa di sr. Fonseca.
E abogado ta spera cu denter di 2-3 siman, tur cos por
ta cla pa agrega un abogado y haci e peticion na Hof
na Corsou pa acepta e abogado como toevoeging na
e caso.

E caso Magnus y despues e caso Maximus, a costa al-
gun miyon florin caba. Por cierto cu sr. Jamaloodin
ta sospechoso den e caso aki como autor intelectual,
hunto cu su ruman Robbie dos Santos, segun e inves-
tigacion di Ministerio Publico.