Page 13 - BNDIA ARUBA

a13
riba caya Diamars 8 augustus 2017

Grupo di hoben gara ta huma

marihuana

PALM BEACH – Diadomingo a pidi asistencia di po-
lis pa un grupo di mucha homber na e otro banda di e
booth di The Mill Hotel, cu tabata humando marihua-
na. E grupo tabata consisti di 2 adolescente mucha homber, 2
adolescente mucha muhe y entre 3 pa 4 mucha chikito, segun
e empleado di e hotel. Na yegada di patruya ya e muchanan no
tabata na e luga mas.
Kiebro na Hermis Snack

NOORD CURA CABAI – Diabierna a pidi presencia di
polis na Hermis Snack situa na Noord Cura Cabai pa
motibo cu ladronnan a kibra y horta den e luga. Polis a
presenta y tuma dato di e caso y propietario a entrega keho.

Pelea den Caya
Soeur Nicephora

ORANJESTAD – Dos
homber tabatin un con-
frontacion durante un
fiesta diasabra, cu por
poco a resulta den un
pelea. Como cu e pelea aki
no a tuma luga, e grupo a
presenta na un cas na Caya
Soeur Nicephora y aki nan a
resolve nan problema di mas
trempan estilo “Old School”.
Polis core cu tur esnan pre-
sente, pa trece trankilidad
bek.

Homber cu

problema mental
a menasa su
ruman cu arma

BRAZIL – Un cabayero a
pidi asistencia di polis na
un adres na Brazil, debi
cu su ruman homber cu
tin problema mental a
menasa un otro ruman
homber cu un machete.
E mama di e hombernan en
cuestion a logra kita e ma-
chete di e ruman homber cu
problema mental. E motibo
principal cu a pidi asistencia
di polis pa hiba e homber cu
problema pa Paaz.

Kiebro den un cas
na Washington

WASHINGTON – Dia-
domingo atardi a pidi
presencia di patruya na
un adres na Washington,
pasobra un homber a bula
un bentana y drenta e cas.
Na yegada di polis a topa cu
e homber sinta y el a declara
cu e ta traha eynan. Pero e
no por a contesta pa ken e ta
traha. Tambe a resulta cu e
homber Colombiano ta ile-
gal. Consecuentemente po-
lis a transport’e pa warda di
Shaba.