Page 5 - Djabierne 18 mei 2018.pdf

Djabièrnè 18 Mei 2018 5
Na warda di
polis:

Dama ku a
publiká

imágen di
agentenan
riba ret

sosial a bai
pidi despensa

Dama a kulpa
agente robes
di maltrato di
tata i yu
WILLEMSTAD.- Wikènt
pasá a tuma lugá un kaso di
maltrato kaminda un dama
lo mester a publiká imágen
di algun agente polisial riba
ret sosial.
E kaso aki lo mester a
tuma lugá na momentu ku
agentenan tabata teniendo
kontròl riba arma i droga.
Segun vershon di polis,
e hòmber kompañá pa
su yu menor lo mester a
opstakulisá trabou di e
agentenan loke ku a pone
ku a detené ámbos.
Pero segun e víktimanan
i nan famia, e agentenan lo
mester a maltratá ámbos.
EXTR A a hiba
kombersashon ku Kuerpo
Polisial di Kòrsou na
komienso di siman
ku a informá ku tin
investigashonnan serio
tumando lugá i asta a
tene kombersashon ku e
agentenan envolví.
Ayera den oranan di
anochi EXTRA a komprondé
ku durante di oranan di
dia, e dama ku lo mester
a publiká imágen di e
agentenan riba ret sosial a
bai warda di polis pa pidi
despensa pa su akto.
E kaso aki ta unu serio
mirando ku e persona a
publiká imágen di tres
agente polisial ku a keda
saká na Rio Canario pero
unu di e agentenan no
tabatin nada di aber ku e
kaso.
E agente tabata na warda
di polis e momentu ei pa un
otro kaso.
Por a mira tambe ku e
dama a keda ordená pa baha
loke el a pone riba ret sosial.
Pero mas aleu EXTRA
por a komprondé ku e chèns
ta grandi ku apesar ku e
dama a pidi despensa, tòg lo
kontinuá ku e pasonan legal
kaminda ta kulpa e dama di
difamashon.