Page 24 - MIN SOCIAL

AWEMainta Diahuebs, 21 Mei 2015
Kiwanis Club
of Aruba su
Competencia
di Flie
pa nos muchanan di Aruba
KIWANIS Club of Aruba a tene su
evento anual, cual ta su Competencia di
Flie pa nos muchanan di Aruba. E evento
a cuminsa cu un workshop con pa traha e
flie y aña aki a toca parti n’e muchanan di
Emma School, unda na final di e workshop
a sigui cu e competencia riba veld cu nan
flie, regala pa Kiwanis Club of Aruba.
Parti merdia a habri e competencia pa
tur e muchanan di Aruba, unda un gran
cantidad di flie den tur estilo, grandura
y color a domina den laira na veld di
Calabas.
E creatividad di cada participante y nan
entusiasmo pa mira nan obra traha cu
dedicacion ta subi bay laira, sigur a haci
e competencia aki uno hopi unico.
Debi n’e gran cantidad di flie den e
competencia, a haci cu ainda na bahada
di solo, esnan cu a keda clasifica pa final, organisacion y sponsornan cu a aporta,
tabata yen di energia competiendo pa
logra gana e premionan espectacular,
manera tur aña ta e caso.
25
E premionan tabata consisti di; algun
bicicleta fabuloso y diferente kadobon cu
a keda entrega pa Kiwanis Club of Aruba
y e sponsornan cu ta coolabora tur aña cu
e evento aki.
E premionan den Categoria A di flie di
40x75cm, a keda reparti entre Janrich
Bello, Zyron Croes, Janilaine Bello,
Michelangelo Tromp, Lagabena Flyer,
Lijendrick Webb y Alex Arends. Den
e Categoria B di flie di 76x150cm e
premionan a bay pa Jahron Tromp,
Gregory Gomez, Greg Flanegin, Thais
Tromp, Clarilaine Corness y Lagabena
Flyer.
E evento aki tabata masha anima cu
musica y dino jump pa entretene e
muchanan y Presidente di Kiwanis Club
of Aruba, Marjory Clark, a gradici tur e
mediante nan donacion pa haci esaki un
dia inolvidabel p’e muchanan y famia.