Page 58 - MIN SOCIAL

24 AWEMainta Diahuebs, 21 Mei 2015

Despues di

13 AÑA

di servicio leal

Digicel ta despedi di Arsenio Gumbs di un
forma original

UN gran cantidad di clientenan corporativo y amigonan a yega hunto pa despedi

di Arsenio Gumbs, kende p’e ultimo 13 añanan tabata traha den Departamento di
Benta di Digicel Aruba. “Mi ta corda manera ta ayera e prome bes cu mi a presenta
na Digicel pa bende un mashin di fotocopia. E tempo ey, siendo un compania
nobo, Digicel tabata e compania mas solicita pa forma un carera y e coleganan
despues a bira mi famia, e famia grandi di Digicel. Nos a crece, evoluciona, inova
y awe nos ta para na unda nos a inicia, e compania di telecomunicacion di mas
grandi den Caribe, cu te dia di awe t’e compania mas solicita pa haci carera” asina
Arsenio Gumbs a relata.

Ta califica Arsenio Gumbs como un empleado califica, stabiel, leal y dedica na
su compania y trabao. Esaki ta refleha tambe den e presencia di esnan cu a bay
despedi di dje. Entre nan Teresa Brown, kende a biaha special for di Merca, un
amiga di mas di 40 aña tempo cu Arsenio tabata toca den e band Friends.
“Arsenio ta un di e mihor drummernan cu Aruba a conoce, e ta mi amigo den tur e
añanan aki y mi no por a laga e oportunidad pasami voorbij sino biaha pa Aruba,
duna e sorpresa di su bida y desea Arsenio lo mihor p’e etapa nobo den su bida.”
Teresa Brown ta splica.

Brian Monpellier, hoben y dinamico, ex ehecutivo di KPN Nederland lo t’e proximo
Head of Business Sales. “Mi ta orguyoso di por a conoce un persona cu a demostra
capacidad pa 13 aña na Digicel y mi ta desea Arsenio tur cos bon pa futuro”.
Brian Monpellier, nativo di Surinam, procedente di Breda, Hulanda ta trece cune
un era inovativo pa Digicel introduciendo Cloud Backup, sistema di telefon Avaya
(PBX),Desktop- as a Service, Video Surveillance as a Service y Digi Drive.
Digicel ta maximalisa e potencial di tecnologia, ta resolve problema tecnico y ta
ofrece e mihor y mas reciente solucion p’e concepto Business- to- Business.

Gerencia y personal ta yama danki na Arsenio Gumbs. “Como un compania y
miembro activo di comunidad, nos ta contento di por a disfruta y siña masha hopi
mes di Arsenio Gumbs y nos ta desea pa sigui construi riba relacionnan duradero
pa hopi aña mas cu nos trahadornan, demostrando asina cu enberdad nos t’e
compania mas solicita pa traha carera”, asina Bob Sprengers, Gerente General di
Digicel Aruba a bisa. Specialmente pa despedi di Arsenio, Digicel Aruba a ofrece
un fiesta den cual a inclui un telefon analoog bieu, set di sofa p’e descansa y ciga
p’esnnan cu ta huma.