Page 54 - MIN SOCIAL

ORANJESTAD (AAN) Recientemente durante tratamento di
Presupuesto 2015, Minister encarga cu Labor drs. Paul Croes a haya un cantidad di pregunta for di Parlamentarionan.
Y na e ocasion aki tambe a bini dilanti e tema di salario minimo, cu e Minister a anuncia lo bay conoce un aumento.
E mandatario a bisa cu a inicia cu e proceso di evaluacion si mester subi e salario minimo entrante prome di januari
2016. No por yega tuma decision pa aumenta e salario minimo sin mas. E ley ta papia di algun aspecto cu mester
tene cuenta cune prome cu e tuma e decision pa aumenta e salario aki.
Na prome luga, mester tin un conseho di Sociaal Economische Raad (SER) cu lo combersa cu tur partidonan envolvi.
Pero tambe mester midi e situacion entre augutustus 2014 y augustus 2015.
Pero tin un aspecto den ley cu e mandatario ta kere cu mester mira un cambio. Awor den e ley ta papia cu mester
haci un evaluacion di e Consumer Price Index (CPI), pues a base di un averahe cu ta wordo midi entre e dos ultimo
lunanan di augustus. E mandatario ta kere cu mas bien mester haci un evaluacion di e averahe entre e dos
periodonan ey y no di e luna mes. “E ora ey lo haya un bista mas cla si tabatin inflacion of deflacion. si prijsnan a
subi pa e consumidornan. E ora ey lo por tin un bista mas cla di loke e aumento di e salario minimo mester ta.
Ta conoci cu desde 2013 no tabatin un aumento di e salario minimo na Aruba. “Nos sa cu tin alrededor di 10 pa 15
mil persona cu ta ganando sueldo minimo, cu ta un parti grandi di e mercado laboral, y pa kendenan nos kier sera e
buraco di loke nan tin awor y loke ta e minimo necesario pa existi.” Ademas e mandatario ta kere firmemente cu na
momento cu un trahado sinti cu su trabou ta wordo recompensa financieramente, e trahadonan ta bira mas
productivo y ta traha cu mas smaak.
Tambe Minister Paul Croes a trece dilanti cu na momento cu subi e salario minimo, un compania cu tin hopi
empleado cu e tipo di salario aki, e costonan di operacion di e companianan aki lo subi y “nos lo no kier cu e efecto
di e aumento aki lo trece un efecto negativo pa e trahadonan mes. Pesey na momento cu nos introduci esaki, ta
hacie den deliberacion cu tanto e sindicatonan como doñonan di trabou, p’asina nan prepara nan mes, ahusta nan
presupuesto pa 2016 na un eventual aumento di salario minimo.”
Pa awor, e Minister a bisa cu no por papia di un cifra ainda di loke ta e aumento, pero e intencion tey pasobra nos ta
mira cu tin espacio.

http://www.diario.aw/2015/05/lo-cuminsa-cu-proceso-pa-aumenta-salario-minimo-na-januari-2016/