Page 50 - MIN SOCIAL

Congreso di FTA ta conta cu presencia di presidente di
UTAL

Publication: Thursday, 21 May 2015. Categoria: General

ORANJESTAD(AAN): Sindicato FTA a conta cu presencia di e presidente di Universidad de Trabajadores de Latino
America (UTAL), Mariano Mena na su di 22 congreso.
Mena a remarca cu UTAL ta haya importante pa brinda sosten y participa na e congreso aki, mas ainda cu FTA ta
celebrando su di 50 aniversario.
FTA tin un relacion cu e mundo di sindicato internacional for di e tempo cu el a worde estableci, FTA tabata miembro
di Confederacion Central Latino Americana de Trabajadores y ta un miembro di UTAL, Mena a comenta.
El a agrega cu FTA ta participa na actividadnan educacional di nivel internacional di UTAL y tin su tereno gana den e
movimento sindical internacional.
Mena a splica cu e congreso ta importante como e ocacion unda cu ta promove formacion, unda cu dirigentenan ta
traspasa conocemento y esunnan cu ta participa ta revisa pasado y prepara pa futuro. Un congreso ta unda cu e
sindicato ta establece su liña di accion pa e siguiente añanan y ta prepara y renoba autoridadnan, pues ta un evento
sumamente importante, segun Mena ta splica.
El a subraya cu un sindicato cu no ta percura pa renobacion ta bay abao cu tempo.
http://www.diario.aw/2015/05/congreso-di-fta-ta-conta-cu-presencia-di-presidente-di-utal/

Rudy Geerman di FTA: Cu protesta keto e Congreso di FTA
ta demostra apoyo pa empleadonan di Ling & Sons

Thursday, 21 May 2015 19:00
Comparti

Diahuebs mainta dilanti di Ling & Sons un grupo di representante y lidernan di e sindicato FTA kende
actualmente ta participando na e di 22 congreso di e organisacion, a tene un manifestacion pacifico