Page 51 - MIN SOCIAL

dilanti di e supermercado.

E accion tabata un muestra di apoyo y sosten di parti di FTA pa e empleadonan di Ling & Sons kende tin
mas di ocho luna wardando riba e conclusion di e negociacionnan di nan CAO cu e compania Hulandes
cu a cumpra e supermercado algun aña pasa. E excusa cu FTA ta haya di e compania ta cu e concepto di e
CAO ta na Hulanda y nan no por a haya un contesta ainda.

Presidente di FTA a splica cu nan a cera cabez pa expresa nan malcontento cu e situacion di e
empleadonan y e falta di adelanto den e negociacion cu ta pega awo riba e punto di pagonan di
contribucion di e empleadonan na e sindicato. Ademas, Geerman a comenta cu tin tambe diferente
situacionnan tumando luga y hasta carta cu a sali di gerencia pa demotiva na un forma fuerte e
empleadonan cu kier afilia of kier keda afilia na e sindicato.

Rudy Geerman a subraya cu naturalmente e Hulandesnan ta bonbini pa inverti na Aruba manera nan a
haci, esta cumprando Ling & Sons, pero cu nan mester compronde tambe cu ta un derecho di e
trahadonan pa nan bira miembro di un sindicato y cu, ademas, nan no mester lubida cu na aruba tin
leynan y reglanan cu nan tin cu cumpli cune.

Ya caba siman pasa diaranson a tuma luga un accion di protesta di parti di e trahadonan, unda cu e
hefenan a laga sa cu si nan protesta nan ta wordo kita for di trabao. Tambe a sali un carta cu aprobacion
di e compania, cu ayudo di “nos propio hendenan”, o sea e hefenan cu ta local, pa encurasha fuertemente
e empleadonan pa retira for di e sindicato.

Diez trahado a retira tambe for di FTA. Esaki a bira conoci durante di e congreso diaranzon atardi y
consecuentemente e congreso a bay para dilanti di Ling & Sons pa demostra nan sosten. Ademas, lo saca
den e congreso un resolucion pa bay gobierno cu ta indica cu e tipo di accion y actitud di e dunadonan di
trabao aki no ta aceptabel, Rudy Geerman a bisa enfaticamente.

Ling & Sons tin mas of menos 100 empleado y lamentablemente algun a wordo convenci pa sali di FTA,
segun Geerman a splica.

Durante di e manifestacion polis a wordo yama pa un discusion cu a escala entre un delegado di e
congreso y un cliente, pero e situacion a keda na un discusion fuerte y no tabata necesario pa polis keda.

FTA a wordo avisa pa gerencia cu nan kier sigui papia y kier sinta na mesa y e sindicato ta spera cu ta
berdad cu nan tin idea serio pa caba cu e CAO y trece trankilidad. Geerman a bisa cu FTA ta spera cu pa
otro siman ya cosnan por keda cla.

E sindicalista splica tambe cu minister a wordo yama pa un reunion riba e caso aki den Parlamento y cu
mediador a wordo yama aden. FTA a keda di reuni cu e mediador prome cu fin di siman. El a remarca cu
e cos a bay for di man, pero no ta culpa di e sindicato; ocho luna ta hopi tempo pa warda y FTA ta