Page 53 - TTC 9 JULY 2015

TPEF di oficina di turismo ta percura pa e fondonan den cuadro di nan tareanan como
Destination Marketing and Management Organization (DMMO), unda cu no ta percura
solamente pa mercadeo di e destinacion, pero tambe parti di e maneho y upgrading di e producto
y servicionan ofreci.

Considerando cu e area di Surfside pa ex-cas di gobernador a bira tambe un area hopi popular pa
campamente y en general ta worde uza mas cada dia pa residentenan di Aruba mes, lo crea
diferente beach nobo aki y asina haci e beachnan mas acesibel pa hendenan local tambe.

E parti aki di e proyecto lo sirbi tambe como base pa trabaonan cu lo worde haci cuminsando
otro aña na e beachnan dilanti di e hotelnan, unda cu tin un acumulacion di impactonan negativo
causa durante di hopi aña pa factornan manera e construccion y actividadnan riba diferente pier y
consumo di cuminda riba e beachnan, etc., segun Otmar Oduber. Entre e areanan preocupante cu
ta spera di atende prome, tin e santo paden y pafo di lama dilanti di Holiday Inn y e area dilanti
di Marriott.

Ta pensando con pa minimalisa e impacto di un limpiesa asina riba e usuarionan di e beach, pa
medio di por ehempel traha den oranan di anochi, bin cu formanan pa limita desordo y planea
con pa mitiga e efectonan ora di saca e lodo cu ta hole menos agradabel for di lama, Minister
Oduber a bisa. Den esaki e experiencia di L.G. Smith Boulevard lo sirbi como preparacion pa
trabaonan mas grandi, el a conclui bisando.

http://www.diario.aw/2015/07/cuminsando-cu-area-di-surfside/