Page 50 - TTC 9 JULY 2015

Aruba Gastronomic Association no ta comparti opinion di
AHATA pa loke ta regulacion di all inclusive

Publication: Thursday, 9 July 2015. Categoria: General

ORANJESTAD (AAN): Aruba Gastronomic Association (AGA) a expresa su opinion na
diferente ocasion, specialmente durante ultimo lunanan tocante e expansion di all inclusive na
Aruba. AGA a vocifera nos preocupacion pa cu mas camber all inclusve y e consecuencianan di
esaki pa e mas di 200 restaurant internacional y etnico cerca di e hotelnan hi-rise y low-rise door
di cual Aruba a bira conoci mundialmente como un destinacion di cushina excepcional.

Hotelnan All-inclusive awo ta suma casi 40% di e inventario di e camber di hotel (excluyendo
resortnan di tempo comparti (time-share). Den adicion, algun hotel cu no ta worde identifica
como tal, ta ofrece e opcion aki. Cualkier expansion di e producto all inclusive no solamente lo
causa un impacto serio riba e sector di restaurant y lo sigui atacha nan habilidad pa keda existi,
pero tambe ta compromete e margen competitivo di Aruba.

Adicionalmente, esaki lo perhudica e abastecedor y otro companianan cu ta depende di e
restaurantnan y por resulta den bahamento den salario y desempleo di trahadornan, cu por tin un
snowball effect negativo riba henter e economia.

Den e cuadro aki AGA no ta comparti e posicion di AHATA pa opone e legislacion cu Minister
Otmar Oduber y Gobierno di Aruba kier bin cune pa por controla e cantidad di cambernan all
inclusive na Aruba.

Den su declaracionnan AHATA ta bisa cu hunto cu sector publico nan a acorda conhuntamente
cu e strategia pa e futuro desaroyo turistico di Aruba ta pa atrae bishitantenan cu ta gasta mas, cu
ta mas afluente y esaki kiermen concentra riba calidad y no cantidad. E ponencia aki ta conta
100% cu e sosten di AGA y ta precisamente un ingrediente principal den e formula pa controla e
expansion di all inclusive.

Mientras cu AGA y e sector di restaurant ta reconoce cu e opcion all inclusive ta preferi pa hopi
biahero, esaki por causa un balance sensibel entre EP y restaurantnan All inclusive pa sigura e
sostenibilidad di e restaurateurnan kendenan a haci inversionnan significativo y emplea miles di
trahador. E cushina unico di Aruba no mester worde tapa pa y identifica como buffetnan all-you-
can-eat. Talentonan local y chefnan internacional profesional, servers y sommeliers, biñanan fini
internacional y diverso ambiente paden of al fresco por haci e experiencia culinario di Aruba uno
realmente excepcional. E turistanan lo descubri e aspecto special aki di e isla, comparti esaki cu
nan amigo y famianan, y haci’e esaki un razon mas pa nan bin back.

AGA no ta comparti e opinion di AHATA ora nan ta bisa cu si Gobierno bin cu cambionan cu ta
restringi e clima di inversion (control riba cambernan all inclusive pa propiedadnan existente y
nobo), e strategia pa atrae mas turistanan alfuente basa riba un mihor calidad di producto lo
kibra. E posicion aki no ta uno cu AGA ta comparti, pues e bishitantenan afluente loke nan ta
busca ta experiencianan unico na e destinacion cu nan ta elegi, nan kier tin e posibilidad di