Page 16 - AWEMAINTA

16 AWEMainta Diamars, 27 Juni 2017

A recorda historia con salud publico a cuminsa 100 aña pasa DIABIERNA anochi Directie Volks-

Empleadonan di DVG cla p’e siguiente gezondheid Aruba (DVG) a celebra e
100 añanan di existencia di Salud Pu-
100 aña di salud publico na Aruba blico riba nos isla. Trahadornan di salud

publico a yega hunto dilanti di DVG, a
pasa un rato agradabel y a haya sa mas
di e historia con salud publico a inicia
na Aruba.
E anochi aki a conta cu presencia di
Gobernador interino, sra. Ivonne Lacle-
Dirksz, Minister di Salud Publico, Cuido
di nos Grandinan y Deporte, dr. Carlos
“Alex” Schwengle, ex- empleado, pensio-
nado y empleadonan di DVG.

Na yegada e invitadonan tabata saca
potret cu e backdrop di DVG 100 aña.
Robert Jeandor y su Solo Banda Show
a percura pa ambiente durante henter
anochi. Invitadonan a ricibi un pin como
recuerdo di 100 aña di existencia.
Gobernador interino sra. Yvonne Lacle-
Dirksz a ricibi e prome pin di DVG,
despues a entrega e pinnan n’e ex em-
pleado y empleadonan.
Tambe a duna un na algun empleado di
DVG cu tin mas di 20 aña di servicio.
Na final di anochi tur invitado a bay cas
feliz y tabata contento di a topa otro for
di e ambiente di trabou.

E historia con salud publico na Aruba a
cuminsa 100 aña pasa ta cu vacunacion.
Aki ta unda cu a cuminsa cu medidanan
contra enfermedadnan contagioso cu
vacunacion, pero tambe cu medidanan
cu tin di haber cu higiena y di eynan e
origen di salud publico a inicia, asina Di-
rector di DVG, drs. Jerry Staring a splica.
E expectativa di bida a subi drastica-
mente, unda cu e edad di esnan cu ta
fayece tabata bou di 50 aña, pero awor
esaki a bira entre 75 pa 80 aña.

Tur medida cu a tuma den tur e añanan
tabatin su efectonan y ta poni den e ex-
pectativa di bida di un persona.
Awor cu salud publico a cumpli 100 aña
di existencia, DVG ta mirando pe futuro
y esaki ta den e promocion di salud.
“Nos tin cu percura pa hisa e conscien-
tisacion con pa hiba un bida saludabel”,
Jerry Staring a sigui indica.
Salud Publico no ta solamente e absti-
nencia di e enfermedad, pero e ta hopi
mas pasobra e tin di haber cu felicidad
y e desaroyo di ser humano.
Esey t’e caminda cu DVG ta bay awor
y Jerry Staring ta formando un organ-
isacion cu tin e conocemento p’asina
yega e meta.