Page 21 - AWEMAINTA

AWEMainta Diamars, 27 Juni 2017 21

Aruba Volleyball Association ta informa cu

CBN (Damas) y VENUM (Cabayeros)

ta campeonnan di Copa AVA 2017

COPA AVA 2017 a conoce e aña aki dos otro team Campeon
den e categoria di Open Class. Den e clase di Damas Senior
Centro di Bario Noord a titula Campeon y den e Cabayeros
Senior VENUM a conkista e Copa pa aña 2017.
Riba cancha deportivo di Centro Deportivo Betico Croes, den
un wega cu yen di tension, e team di Damas di Centro di Bario
Noord cu Coach Noralfa Eckmeyer a logra gana 2 – 1 for di e
hoben team Tornado di SV Britannia cu Coach Jude Pietersz,
kende a re-emplasa sra. Cheddy Lopez Henriquez. Un wega cu
a bay casi maximo den tur e setnan y sigur e dos teamnan aki
lo sigi bataya cu otro den e proximo Campeonato Nacional di
Volleyball.

Lider di Campeonato, Medelin Sapuana a haci entrega di e
Copa Campeon hunto cu Presidente di Volleyball Association
sra. Filomena Curiel.
Sub Campeonnan Tornado SV Britannia tambe a ricibi nan
Copa y nan medayanan.

Y e ultimo wega pa COPA AVA 2017 a bay entre e cabayeronan
di La Fama Spartans y VENUM, den cual wega ambos team a
bataya p’e titulo y finalmente VENUM a gana cu e score di 2-0.
VENUM cu su Coach Errol Yrausquin a bira e Campeonnan
nobo di COPA AVA, mientras cu La Fana Spartans cu Coach
Elmerlindo Robles de Medina a keda na di dos lugar.

E COPA Campeon a wordo entrega na VENUM dor di Lider
di Campeonato, Medelin Sapuana den presencia di Presidente
di Aruba Volleyball Association sra. Filomena Curiel.

Directiva di Aruba Volleyball Association ta gradici tur or-
ganisacion, atleta, lider di Campeonato, Medelin Sapuana y
muy especial e refereenan sres. Octavio Woodley y Richard
Werleman pa nan dedicacion, aporte y participacion pa a logra
haci COPA AVA 2017 un biaha mas exitoso ! Masha Danki.