Page 19 - AWEMAINTA
P. 19
AWEMainta Diamars, 27 Juni 2017 19
Resultado di torneo di evaluación di Jose Sequera
DEN e weekend cu ta tras di lomba, a tuma
lugar e torneo di evaluación di nos entrenador
internacional Jose Sequera pa su alumnonan den
grupo B y C.
Participacion tabata di hobennan cu a tuma les
durante e ultimo 2 lunanan cu IM Jose Sequera a
duna les na nos muchanan. Algun mucha no por
tabata presente dor di biahe pa exterior.
Dor cu e opkomst di e muchanan den grupo C,
tabata mucho abou, nos a pone e 2 gruponan B y
C hunto den un solo grupo. Particion di premio a
tuma lugar si separa pa grupo B y grupo C.
Despues di 5 rond, tabatin un empate entre 4
hungador. Nan tur 4, tabatin 3 ½ punto for di
partido. (3 gana, 1 tabla y 1 perdi).
A dicidi e ora, pa tene un knockout entre e 4 hun-
gadornan, unda via lot ta dicidi kende ta hunga
cu kende.
E 2 ganadornan lo topa otro e ora den un final pa
posición 1 y 2. Y e 2 perdedornan lo topa otro pa
hunga pa di 3 y 4 lugar.
Ganador den grupo B, a keda Miguel Paes Marin.
Y na di dos lugar a termina Mary Jane Bueno Guz-
man. Na di tres lugar a bay pa Gael Wever.
Den grupo A, a keda na prome lugar Sylvi Cabral.
Na di dos lugar a bay pa Rai Oduber.
Entrenador Jose Sequera su lesnan ta continua e
siman aki dialuna, diaranson y diabierne.