Page 22 - AWEMAINTA

22 AWEMainta Diamars, 27 Juni 2017

MEP den Movecion

Dakota p’e Cambio

DIABIERNA ultimo, Partido MEP a drenta Dakota cu nan evento
‘Dakota P’e Cambio’ cu a resulta hopi exitoso cu respaldo di un publico
grandi y bon anima. Esaki a sosode na Sede di Dangui Oduber unda e
caminda principal a wordo sera pa trafico p’asina nan a brinda e publico
un celebracion unico.
Candidatonan hunto cu nan ekipo di campaña y siguidornan di MEP,
a reuni na nan Sede of na otro puntonan di encuentro pa yega Dakota
den paradanan bon anima cu musica y pito.

E anochi a cuminsa un biaha mas cu reconocimento di baluartenan cu
durante hopi aña a dedica nan tempo pa engrandece e partido. Homber
y muhernan cu yen di balentia a yuda hiba e lucha hunto cu nos Lib-
ertador Betico Croes y Partido MEP. Nos graditud y aprecio ta bay na
cada un di nan.

John Francis Jacobs a habri e anochi bou di ritmo di steelband cu a cay
na agrado di tur presente.
Gruponan di baile folklorico a brinda e publico un bunita presentacion.
Tambe nan tabatin un grupo di hoben cu a sorpresa e publico cu un baile
cu un cancion cu actualmente a pega hopi “Ban P’e Cambio”.
Presente pa anima e anochi, nan tabatin ‘N Fuxion y Buleria. Dj Robert
Yeah a entretene e publico cu su bon musica. Y candidatonan a baila
rond di pista bou di e tocamento di Massive Brassband.

Nan a presenta tambe e 5 ultimo candidatonan nobo cu a wordo lansa
unda nan a presenta nan prome discurso politico.
Na final, partido MEP a saca ganadornan di nan rifa. Ganadornan por
tuma contact cu nan na sede di MEP na Santa Cruz of via nos pagina
di Facebook.

Por spera mas di e actividadnan aki cu lo uni nos pueblo mas cu e partido
MEP. “Nos t’e partido di solucion p’e pueblo aki. Aruba ta duna e señal
cu nos kier cambio. Y hunto nos ta bay pa e cambio, sin miedo!”