Page 44 - Extra

44 Djabièrnè 29 Yanüari 2016

...Djadumingu awor
na KAP...

KURASHON
VIA KAMINDA

SPIRITUAL

...E yabi pa salubridat
di mañan?...

WILLEMSTAD.-
Djadumingu awor dia 31
di yanüari próksimo for
di 11’or di mainta lo tin
un charla informativo
kombiná ku pelíkula
tokante e tema “Yudansa
i kurashon via kaminda
spiritual segun e siñansa
di Bruno Gröning”. E lo
terminá 5’or, pero lo tin
dos pousa. Ta rekomendá
pa kada ken bini ku nan
pakete di lùnch.

Entrada pa e charla
aki ta grátis miéntras
ku e idioma lo ta Spañó
/Ulandes. Esnan ku ta
deseá lo por hasi un
donashon boluntario na
Organisashon Sirkulo di
Amigu Bruno Gröning.

E charla lo tuma lugá
na Kolegio Alejandro Paula
(ántes Peter Stuyvesant
College).

Di un forma franko,
ophetivo i fasinante
e pelíkula ta eksponé
diferente fase di bida i
trabou di Bruno Gröning.

Spesialmente entrevista
ku mas di 50 testigu
kontemporáneo, tokante
yudansa i kurashon
ku nan a eksperensiá,
a hasi e pelíkula
aki un eksperensha
impreshonante.

Literatura rekomendá:
www.bruno-groening-film.
org

Bruno Gröning a biba
na Alemania di 1906
te 1959. El a mustra
hende riba e echo ku den
kósmos ta eksistí un forsa
kurativo, ku e tabata yama
“Heilstrom”.

Durante e charla akí
lo keda presentá tambe
algun kurashon risibí,
dor di sigui e palabranan
di Bruno Gröning i dor
di apsorbé e asina yamá
“Heilstrom”.

Tambe lo splika kon
kada ken pa su mes por
apsorbé e forsa dibino
(Heilstrom).

Pa mas informashon
i reservashon semper lo
por tene kontakto via di e
página web www.bruno-
groening-film.org òf na
tel. 670-783 òf 560-3313.