Page 45 - Extra

Djabièrnè 29 Yanüari 2016 45

sosega na pas Kontinuashon di pagina 43
AINDA NO A KUMINSA
den forma unánime.

A publiká e kambio nobo
den Publicatieblad 2015
number 44.

Por lo general e tipo
di leinan aki ta drenta
na vigor mesora. Pero
den e kaso aki a hasi un
eksepshon komo ku den
artíkulo 3 di e lei a stipulá
ku promé ku pasa pa
kòntròl i sanshon, lo inkluí
un periodo di transishon di
6 luna.

Esei lo duna e
establesimentunan
oportunidat pa nan tuma
e medidanan nesesario
den kuadro di e lei aki i
tambe gobièrnu lo haña
oportunidat pa duna
informashon.

Ta nifiká ku dia 19 di
mart awor, e lei ta na vigor,
pero miéntras tantu mester
konstatá ku no ta dunando
ningun informashon riba e
kambio importante aki.

EXTRA a nota si ku den
algun establesimentu a
krea dos sekshon kaminda
hende por huma i e otro
sekshon pa hende ku no
ta huma. Pero esei no ta
esensia di e lei. E lei ta bisa
ku ta terminante prohibí
pa huma den un lugá será.
Ku otro palabra, hasta ora
krea e sekshon kaminda
por huma i no por huma,
esei ta un violashon di e
lei.

Loke ta pasa ta ku tin
hende ta kere ku ora ku
tin dos sekshon apart, esei
no ta molestiá otro hende.
Loke nan ta lubidá ta ku e
huma ta sigui sirkulá den
e establesimentu i ta sigui
kousa daño.

Resientemente e
parlamentario Alex Rosaria
a manda puntra gobièrnu
ki dia ta kuminsá ku e
kampaña di informashon
pero te ainda no tabatin
reakshon riba su karta.

Miéntras tantu oloshi
ta tek pa implementashon
e lei aki. Ta di spera ku
lo no pasa meskos ku a
pasa den e kasonan di
chikungunya i Zika ku na
último momentu ta bai
duna informashon ku lo
no yega tur kaminda ku
e mester yega. EXTRA a
tuma nota tambe ku algun
establesimentu no ta
wardando riba gobièrnu. Ya
kaba nan a anunsiá ku riba
sierto dianan den siman i
sierto oranan, no ta permití
pa huma. Por lo general e
públiko ta kumpliendo hopi
bon ku e petishon.