Page 49 - Extra

Djabièrnè 29 Yanüari 2016 49

CURGAS A
EKSTENDE
ORARIO

DI
ENTREGA

GAS

WILLEMSTAD.- Despues
di un retraso di 3 luna di
distribushon di Curgas
awor a logra baha e tempu
di espera te ku 4 siman.

Manera a keda informá
den pasado ku e retraso
a subi debí na problema
tékniko na instalashonnan
di Refineria Isla.

Esaki a pone ku durante
e periodo ei e suministro di
gas tabata delikado.

Pa por a redusí e retraso
ku a surgi Curgas a bin ta
traha orarionan ekstendé i
a bin un kantidat di silinder
nobo den sirkulashon.
Segun pronóstiko pa fin di
mart lo yega bèk na entrega
denter di 5 dia di trabou.
Pa fasilitá e proseso di
entrega Curgas ta rekordá su
klientela pa tene kuenta ku
e siguiente puntonan.

Number di kas: Si
number di kas no ta visibel
esaki ta nifiká ku no ta
entregá e gas.

Esaki ta pa evitá ku ta
entregá gas na adrès robes.

Kachónan lòs den kurá:
Si kachónan ta kana lòs
den kurá shofùrnan no ta
entregá gas a ménos ku e
persona ta na kas.

Si e kliente no ta na kas
riba dia di entrega no por
entregá gas i mester tuma
kontakto ku e number ku
Curgas laga atras.

Nòmber di kaya :
Si den un bario e nòmber
di kaya a kambia e kliente
mester pasa kambia esaki ku
e dokumentonan nesesario.
Sino e shofùr no por
baha e gas.
Curgas ta hasi un
apelashon na tur kliente
pa tene kuenta ku diferente
puntonan di moda ku por
entregá gas mas efisiente
posibel.

Pa mas informashon
por tuma kontakto ku
departamentu di servisio pa
kliente na 869-7333 òf 432-
0290.