Page 12 - MIN ON 4 MAART 2016

Evento di dia Internacional di Hende Muhe ta muda pa
Marriott Ballroom

Thursday, 03 March 2016 18:25
Tweet
Comparti

Minister Michelle Hooyboer-Winklaar a anuncia algun siman atras tur informacion relaciona cu e evento
dia 8 di Maart, dia Internacional di Hende Muhe, lo tuma luga na Alhambra Ballroom.
Mirando e interes pa cu e evento aki, a dicidi di muda e evento pa Marriott Ballroom pa por acomoda
mas hende, unda lo premia alrededor di 350 persona. E evento lo cuminsa pa 7:00pm.
"Nos a ricibi hopi yamada y e-mail pa registra y por anuncia cu registracion a yega su maximo", segun
Minister Michelle Hooyboer-Winklaar a informa. Esaki no ta nada nobo pa e evento aki, cu a cuminsa
algun aña pasa, bou di e mesun mandatario, pero e tempo ey den su calidad di Minister di Asuntonan
Social. Aunke awor encarga cu maneho di enseñansa, el a boga pa continua cu e tradicion aki,
specialmente como e unico hende muhe formando parti di Conseho di Minister di nos pais.

E dos oradornan pa e anochi lo ta autor y orador internacional, Crystal Andrus Morissette y Director di
Centro pa Desaroyo di Hende Muhe (CEDEHM), Sandra Brown. Ambos a yega di ta orador caba den e
evento aki y a percura pa inspira nos hende muhenan masha y semper a pidi pa mira nan bek riba un
escenario den un evento dedica specialmente na nos hende muhenan, riba nan dia!

http://www.24ora.com/local-mainmenu-5/105967-evento-di-dia-internacional-di-hende-muhe-ta-
muda-pa-marriott-ballroom