Page 13 - MIN ON 4 MAART 2016

Minister Hooyboer-Winklaar hunto cu Universidad di Aruba
ta invita publico pa lectura

Thursday, 03 March 2016 17:59
Tweet
Comparti

Diahuebs dia 10 di maart proximo Ministerio di Enseñansa conhuntamente cu Universidad di Aruba ta
organisando un lectura pa publico titula “Diversifying the educational system in Aruba: the possible
introduction of the International Baccalaureate”.
E lezing aki lo tuma luga den e aula di Universidad di Aruba y lo cuminsa pa 7:30 di anochi.

Como invitado special y orador pa e evento aki lo ta presente Michael Leshner, kende ta Manager of
Outreach and Regional Development pa IB Americas. E enfoke di e lectura lo ta riba e sistema
educacional conoci como International Baccalaureate (IB) y e posibilidad nan y e beneficionan pa Aruba.

Durante di e lezing Micheal Leshner lo duna informacion riba e diferente programanan cu IB ta ofrece,
entre otro e “Primary Years Programme”, e “Middle Years Programme”, e “Career-related Programme” y
e “Diploma Programme”.

The International Baccalaureate Organization ta un organisacion prestigioso y reconoci
internacionalmente y activo den mas di 100 diferente pais. Actualmente tin mas cu 4000 scol rond di
mundo cu ta aplica e curiculo y pedagogia di International Baccalaureate.

E bishita di Leshner na Aruba ta consisti di un programa cu ta inclui entre otro un seminario pa tur
stakeholders den nos enseñansa riba nivel di maneho y directivanan di school como tambe e lezing pa
publico en general. Ambos e seminario como e lezing pa publico general ta e prome stap den e proceso di
exploracion y e discusion nacional riba e ambicionnan di Gobierno di Aruba y Minister di Enseñansa pa
diversifica nos sistema di educacion aki na Aruba.

Minister Hooyboer-Winklaar ta indica cu den su calidad di Minister di Enseñansa e tabata tin e
oportunidad di bishita diferente pais pa asina experencia y compara e diferente sistemanan di educacion
cu otro. Durante e diferente bishitanan por a observa con diferente sistema ta coexisti banda di otro den
un pais, bou di un directiva di school of hasta den un solo school.