Page 58 - flip

Cosnan ta mustra hopi positivo pa turismo crucero di nos isla

Publication: Monday, 30 March 2015. Categoria: General

Director di APA, Jossy Figaroa

ORANJESTAD (AAN): Director di Aruba Ports Authority (APA), Jossy Figaroa a duna di
conoce cu cosnan ta mustra hopi positivo pa loke ta trata turismo crucero unda cu pa 2016 y
2017 e cantidad di barconan crucero pa nos isla lo bay ta aumentando.

Manera Minister Oduber a bisa diferente biaha, director di APA tambe ta indica cu mester sigui
traha duro y no drenta den un comfort zone. Esaki ta encera no solamente pa sigui atrae barco y
turistanan crucero, pero tambe pa mehora e facilidadnan paden y pafor di waf y e servicio cu ta
wodo duna na nos bishitantenan crucero.

Esaki ta importante pasobra na momento cu e turistanan subi barco atrobe, nan ta yena un
encuesta y nan ta papia riba nan experiencia riba tera. Entre mihor e experiencia aki mas
oportunidad tin pa e barconan sigui bin nos isla. “Ta importante pa logra cu cada un turista ora
subi barco y yena e encuesta di Aruba bisa cu ‘esaki ta un bon experiencia’”, Jossy Figaroa a
duna di conoce.

http://www.diario.aw/2015/03/cosnan-ta-mustra-hopi-positivo-pa-turismo-crucero-di-nos-isla/