Page 59 - flip
P. 59
Emirates Sky Cargo a baha pa prome bes na Aruba
Publication: Saturday, 28 March 2015. Categoria: General
ORANJESTAD(AAN):Diabierna atardi, debi na un situacion di emergencia, den cual a cera
aeropuerto di Corsou, Toren di Control a desvia avionnan pa nos isla. Entre e avionnan cu a baha
na Aruba tabata e Boeing 777 di Emirates Sky Cargo cu un capacidad di 103 mil kilo di carga.
E avion a hala masha atencion, specialmente pasobra e tabata un avion nobo riba plataforma. E
compania aki a start dia 25 di october 1985 y ta uza Dubai International Airport como “hub”, for
di unda e ta maneha su flota di 14 avionnan, cu ta bula pa 35 diferente destinacion.
The Emirates Group ta conta cu 40 mil empleado y ta pertenece na Gobierno di Dubai. Desde
aña 2013, Emirates SkyCargo ta e di tres compania di carga mas grandi, den termino di cantidad
di tonelada di carga pa mas destinacion. Algun hende ta hasta a probecha pa post cu foto of saca
foto cu presencia di e avion.
http://www.diario.aw/2015/03/emirates-sky-cargo-a-baha-pa-prome-bes-na-aruba/
