Page 13 - DESPA

8 AWEMainta Diaranson, 09 Maart 2016

Pa miho maneho di personanan
problematico

Minister Arthur
Dowers ta pidi
recomendacionnan pa
atende pa personanan
cu por ta un peliger of
risico pa comunidad of

pa nan mes

MINISTER di Husticia mr. drs. Arthur Dowers a

anuncia den un conferencia di prensa dialuna mainta
cu el a instala un comision cu mester presenta den
un maximo di tres siman recomendacionnan pa crea
instrumentona pa atende cu personanan cu por ta
un risico of peliger pa comunidad y/of pa nan mes.
El a bisa cu ta referi aki na personan cu tin un
problema specifico mental of medico, incluyendo
adiccion, y ta causa problema continuamente.

E mandatario a bisa cu loke a pasa dialuna madruga
ta un caso lamentabel, unda cu un of mas persona a
kita bida di un hoben cu tabata causando problema.
Ta di lamenta tambe cu pa e hoben e yudansa no
a bin bastante lihe, of kisas e yudansa no tabata
suficiente, of no tabata suficientemente eficiente.
Tur esaki mester sali den e investigacion cu ta
andando actualmente.

Minister Arthur Dowers a manda su sentido pesame
pa e famia di e hoben Dyron Franken y a splica cu el
a tende na momento cu e crimen a pasa cu e hoben
tabata sufri di malesa di adiccion, pero tabatin tambe
mas problema, y tabata causando hopi problema
den comunidad.
Ni cuanto problema e por a causa, e no ta hustifica