Page 4 - Aruba Bank Jan 21-23

Aruba Bank ta orguyoso di ta un Bon Bisiña di Museo
Arkeologico Nacional Aruba

Publication: Thursday, 22 January 2015.
Contribuyendo na promocion y preservacion di nos herencia cultural

ORANJESTAD (AAN):
Diadomingo awo, riba Dia di Betico, Aruba Bank ta uni cu Museo Arkeologico Nacional Aruba,
Stichting Rancho, Museo Historico, Ateliers ’89 y Academy of Fine Arts & Design pa celebra
nos Herencia, Arte y Creatividad.
For di 10or di mainta pa 2or di atardi, e diferente institucionnan aki lo habri nan porta pa publico
pa un Paseo Cultural celebrando e herencia historico y desaroyonan den arte y creatividad actual.
E evento aki, tumando luga na e diferente localidadnan ta worde realisa den colaboracion cu
Monumentenfonds y Arubus.
Museo Arkeologico a lansa como tema pa nan programa di e aña aki “Bon Bisiña”, cual ta basa
riba e tema di International Council of Museums pa 2015, esta “Museums for a Sustainable
Society” – Museonan pa un Sociedad Sostenibel. Aruba Bank, cual ta celebrando su di 90
aniversario e aña aki, ta duna un extra realse na nan compromiso como Bon Bisiña den nos
comunidad den forma di un colaboracion unico cu Museo Arkeologico.
Investigacionnan cientifico a mustra cu e aldea Amerindio situa na Tanki Flip mas di 600 aña
pasa tabata consisti di casnan traha rond di espacio nan comun caminda habitantenan tabata bin
hunto pa comparti y colabora manera Bon Bisiña. Ademas, si mira e dibuhonan riba baranca na
Ayo, aki tambe e balor di convivencia y ta un bon bisiña ta expresa na un nivel spiritual pa
medio di representacion nan remarcabel cu a perdura pa mas di 1000 aña.