Page 5 - Aruba Bank Jan 21-23

Inspira pa e Bon Bisiñanan di pasado y presente, e museo a cuminsa e proceso na december 2014
pa pone elugarnan aki riba e “Lista Nacional di Monumentonan Protegi” pa sigura cu legalmente
nan ta protegi pa nos futuro generacionnan por disfruta di nan.

For di apertura di e museo na 1981, e contribucion boluntario di personanan cu ta biba y traha
rond di elugarnan arkeologico ta di gran balor pa Museo por proteha esakinan. E cuido di nos
herencia cultural mas antiguo ta un di e tareanan primordial di Museo Arkeologico y Aruba Bank
ta un partner orguyoso den esaki.

Aruba Bank generosamente a sostene e evento simbolico aki enfatisando e importancia di e
colaboracion den pasado, presente y futuro, manera Bon Bisiña.

Aruba Bank ta invita comunidad di Aruba pa bishita Museo Arkeologico riba Dia di Betico y
disfruta di e exposicion dedica na e nominacion di e doslugarnan arkeologico pa nan postulacion
riba e Lista Nacional di Monumentonan Protegi. Arkeologonan di e museo y nan assistentnan lo
ta presente pa comparti informacion y contesta tur pregunta di publico tocante e proceso
importante aki.

E programa ofreci tin como punto di salida e importancia pa salvaguardia nos herencia y
promove colaboracion, creatividad y innovacion den nos comunidad. Naturalmente no ta haci
falta e actividadnan creativo organiza pa museo, unda cu e enfoke e biaha aki ta riba e tema
“sostenibilidad”.

Celebra nos herencia historico y cultural diadomingo awo, unda cu lo tin actividadnan pa grandi
y chikito disfruta di un dushi dia di famia, un experiencia unico.

http://www.diario.aw/2015/01/aruba-bank-ta-orguyoso-di-ta-un-bon-bisina-di-museo-arkeologico-
nacional-aruba/