Page 63 - Min Vos, 13 May 2015

causa tur e tardanza. Pa locual ta e falta di vehiculonan di ambulans, nos a bin compronde cu lo
tin 2 ambulans "nobo nobo" ya caba na agencia di auto aki na Aruba y den e dianan aki lo bay
efectua e entrega.
http://www.awe24.com/r21747

DNM: Zeta uza pa baha stof ta evapora den solo y ta afecta
salud di ser humano

Tuesday, 12 May 2015 20:47
Comparti

Aruba su leynan di medio ambienta ta anticua. Segun Director di Directie Natuur en Milieu (DNM), ing
Gisbert Boekhoudt, e leynan ta data for di añanan 1950, pero ta uzando legislacion nobo di e algemene
politieverordening di 2011 pa complementa e leynan unda cu ta necesario.
Den un entrevista a adresa cu Boekhoudt e situacion di zeta cu a plama den Schotlandstraat y den De La
Sallestraat, cu hasta a causa diferente accident. E ley bao cual e incidentenan aki ta cay ta un ley hopi
cortico y simpel, el a bisa, añadiendo cu basicamente e ley ta bisa cu no ta permiti pa susha caminda
publico ni tereno publico y ni tampoco unda tin aceso na caminda publico.
E ultimo informacion tocante e casonan aki ta cu esun di Schotlandstraat ta bao di investigacion na
Directie Natuur en Milieu y pa e caso di De La Sallestraat Boekhoudt lo ta acercando polis pa wak con leu
nan ta pa duna asistencia.
Boekhoudt a splica cu polis y esunnan cu tin e autoridad pa actua ta traha e procesverbaalnan y manda
nan Ministerio Publico. Directie Natuur en Milieu ta asisti polis cu e investigacon completo riba echonan
cu ta castigabel (strafbare feit) y ta yuda polis cu e formulacion, na final di dia di Minister Publico ta
dicidi riba e sancion.
Gisbert Boekhoudt a bisa cu cada tanto tempo ta haya casonan di tiramento di e zeta sushi
intencionalmente of accidentalmente. Den e caso cu e ta intencional manera ta pasando ultimamente, ta
trata di hendenan cu ta basha e zeta riba tera pa baha stof.
Boekhoudt a subraya cu bashamento di zeta uza pa baha stof ta peligroso. Zeta uza tin cierto substancia
den dje cu ta evapora den solo y ta afecta salud. E por afecta e cuero, wowo y e celebro. Ta conoci cu e
particulanan cu wordo inhala via di nanishi ta traha negativamente riba e celebro, causando dolor di
cabez y diferente otro problema di salud.