Page 37 - MIN JUS - MAY 19 , 2015

Premier Eman tocante siguridad na cas di Minister Oduber:
“Mi no sa si ta hustifica pa haci esaki un issue politico di e
magnitud aki”

Monday, 18 May 2015 23:04
Comparti

Despues di varios caso di diferente experiencia di caso di menasa, pero particularmente un incidente cu a
envolve comportacion agresivo cu a pasa na cas di Minister Otmar Oduber, Conseho di Minister a aproba
pa fortifica e siguridad rond di specialmente e famia, esta na e cas, di e mandatario.

Esaki no ta un decision nada straño pa un gobierno tuma, como cu ta masha normal cu e gobierno ta
percura pa siguridad di ministernan, parlamentarionan y hasta funcionarionan di ministerio publico y
polis y of nan famianan ora y si esaki ta necesario.

Esaki Prome Minister Mike Eman a splica den un entrevista dialuna mainta, despues cu partido MEP a
haci comentario cu no ta hustifica pa uza placa di Pais Aruba pa pone camara di siguridad na cas di un
minister.

Eman a bisa cu como politico e persona hopi biaha ta tuma e decision pa expone su mes na e realidad di
ta personanan publico cu tin biaha den polarisacion politico ta haya nan mes confronta cu agresividad.
Ta cosnan cu por pasa, y e ta compronde esaki mas ainda como un persona cu a nace den un famia cu pa
algun generacion caba ta envolvi den politiek, e ta tum’e casi como normal y como parti di e bida politico.

Cu e famia ta bira victim inocente, tanten cu nan no a scoge pa ta den e situacion aki ta algo mester tene
cuenta cune semper, segun e prome mandatario.

Den e caso di Minister Otmar Oduber a sinti cu mester di extra siguridad rond di su cas pasobra tabatin e
caso specifico cu el a pasa aden y p’esey Ministerraad a haya cu esaki ta mas cu hustifica y a aproba su
peticion.

Rond mundo ta masha normal cu e gobierno ta asumi responsabilidad pa e proteccion y siguridad di
parlamentarionan y ministernan si tin e necesidad. Eman a splica cu na Aruba esaki no ta nada diferente
y cu den pasado no a cuestiona ora cu un of mas mandatario a amplia su personal di siguridad, por
ehempel.

Den e caso di Oduber, Minister Bermudez a laga sa cu no tabatin un “post” pa e tipo di instalacionnan na
cas di minister y finalmente Minister Oduber no a wordo compensa tampoco, pues el a paga pa su mesun
sistema di siguridad.

Prome Minister Eman a bisa cu e no sa si tanto turbulencia tabata necesario rond di un topico asina aki.
“Mi no sa si ta hustifica pa haci esaki un issue politicio di e magnitud aki. Natural, cada ken ta scoge su