Page 39 - MIN JUS - MAY 19 , 2015

Gobierno a tene cuenta cu opinion di departamentonan manera Dienst Technische Inspectie, Ministerio Publico,
Cuerpo Policial Aruba y Departamento di Asuntonan Huridico di Gobierno den tumamento di e decision aki. Cu e
cambio, Gobierno ta convenci cu lo haci nos trafico mas sigur y cu menos auto riba caminda cu de facto nunca
tabatin mag di a subi caya, debi cu nan no ta traha pa nos mercado y nos trafico di stuur na man drechi.

http://www.diario.aw/2015/05/aruba-ta-bay-prohibi-tur-auto-cu-stuurwiel-na-man-drechi/

Ta investigando caso misterioso di Hulandes haya morto den su
auto na Piedra Plat

Publication: Monday, 18 May 2015. Categoria: Policial

ORANJESTAD(AAN): E homber Aart D.N. Nagtegaal naci na Rotterdam 12 di februari 1954 a wordo haya morto,
Diasabra mainta den su auto na su cas na Piedra Plat, riba e caminda pa bay Sero Pita.
Ambulance a wordo pidi na e lugar na prome instante pa un hende malo of cu no ta reacciona. Parce su pareha lo a
hibe na e cas y ora a mira e situacion a bati alarma.
Personal di ambulance na nan yegada no por a haci masha y a pidi presencia di dokter. Polis tambe a wordo yama.
E homber tabata drumi den auto Mercedes-Benz SUV patras riba asiento y morto den su cura di cas Piedra Plat 45.
Kico exactamente a pasa cune no ta conoci pero mirando cu e no tabata mustra un morto natural, a pone cu a
cuminsa un investigacion. Dr Lin a constata morto.
A sera e area completo pa por investiga, incluyendo un area grandi di yerba pabao di nan cura di cas.
E vehiculo Mercedes Benz tabata para den e cura di cas, y no tin ningun mancha di sanger visible pafo, segun
fotografonan di prensa por a mira.