Page 26 - flip min.jus

Alto Comisario mr. Adolfo "Dolfi" Richardson: Cuerpo
Policial ta conmovi pa morto den trafico

W ednesday, 18 March 2015 21:18
Comparti

"Nos tur di Cuerpo Policial ta conmovi pa e accidente fatal den fin di siman", asina Alto Comisario mr.
Dolfi Richardson a duna di conoce.
E ta referi na e accidente di diabierna anochi, di cual diasabra merdia e hobencita a fayece na
Hospital. Tur morto den trafico ta di un mas. Den Cuerpo Policial nos ta haci hopi esfuerso, aloca hopi
recurso humano, hopi ekipo y aloca hopi fondo den prevencion di accidente. Esaki dor di suministra hopi
mas informacion na publico, combina cu control regular riba caminda, den cual ta controla riba
velocidad y chauffeurnan cu ta stuur bou influencia di alcohol. Den e caso di e ultimo accidente, tin un
angelita envolvi cu a resulta victima fatal. E hecho sin duda a conmove henter nos comunidad. Cuerpo
Policial Aruba ta sigura comunidad cu ta atendiendo e caso aki cu tur profesionalismo, garantisando
transparencia y den contacto estrecho cu Fiscal na Ministerio Publico. "Mi ta haci un apelacion riba tur
Polis pa nos uni den oracion y hunto resa pa descanso di e criatura y pa nos bon Dios por yuda e
mayornan y famia den e momentonan dificil aworaki. Nos palabranan di condolencia na tur famia y
hopi forsa den e dianan aki", asina Alto Comisario mr. Dolfi Richardson a declara.

http://www.24ora.com/policial-mainmenu-8/93080-alto-comisario-mr-adolfo-qdolfiq-richardson-cuero-
policial-ta-conmovi-pa-morto-den-trafico

Minister Dowers presente na Celebracion di Himno y
Bandera na St. Maarten

W ednesday, 18 March 2015 20:51
Comparti

Diaranson mainta tempran e celebracion di dia di Himno y Bandera a cuminsa na Hermana isla di St.
Maarten.