Page 22 - AWM 8 OCT,2015

22 AWEMainta Diahuebs, 08 Oktober 2015

Juliana School Dependance ta bira
Ceque College

Ceque College
lo bira un MAVO
importante pa
bario di Noord

DEN UN forma hopi original y dunando realse na cultura di

nos dushi isla Aruba, e alumno y docentenan a forma un grupo
di trabao pa yega na un nomber p’e scol na HATO y a scoge for di
10 nomber p’e simbolo di enseñansa den e lenguahe tradicional
di Caciquenan cu ta CEQUE. Minister Michelle Hooyboer –
Winklaar hopi emociona a desvela e borchi cu e logo y nomber y
oficialmente declara Ceque College un scol independiente cu nan
propio presupuesto y su propio responsabilidadnan. Un scol cu ta
albergue pa 11 klas y 230 alumno, awor cu nan propio uniform y
pa celebra den grandi e dia aki.

Minister Michelle Hooyboer – Winklaar a conta di e trayecto di
e scol y a enfatisa riba su deseonan y su vision cu awe a bira un
realidad. Un trayecto na unda masha hopi cambio a tuma lugar.
“Mi ta elogia e grupo di trabao cu a sa di envolve tur alumno, a haci
un investigacion y a hiba e muchanan bek den historia di nos pais,
demostrando asina e poder di enseñansa cu no ta solamente pasa
den bankinan di scol, pero tur parti rond di nos” Minister Michelle
Hooyboer – Winklaar ta relata dirigiendo su mes n’e gran cantidad
di invitado y alumnonan.

“Aki mi ta presencia alumnonan cu ta brasa e esencia di enseñansa
y ta convence mi awe un biaha mas, cu perseverancia y empuhe
propio, kere den bo mes y ehecuta den grupo, tur cu pone empeño
pa logra algo, lo ta exitoso” Minister Michelle Hooyboer – Winklaar
a termina bisando.
Mi ta orguyoso cu mi por a forma e scol aki.
A pone e enfasis riba importancia di e trabao di docente, no
solamente como educador, pero tambe como e persona cu ta
implementa e base p’e futuro generacion y e Team di Ceque College
por ta orguyoso cu nan curason y mision ta n’e lugar apropia,
teniendo en cuenta riba e esfuerso grandi di e alumnonan.

Minister Michelle Hooyboer–Winklaar a haci un yamada personal
n’e alumnonan pa refleha riba e importancia di nan scol, riba e
orguyo di por carga e uniform y nomber nobo di e scol, e sosten cu
nan docentenan merece y refleha riba e importancia di comparti y
reconoce balornan den bida. Ceque College, a ricibi e mesun dia nan
besteling di buki, cu ta escencial pa brinda e enseñansa di calidad.
“Asina ta inicia e luna di Ensenansa, awe cu apertura oficial di
Ceque College, un luna cu ta bay ta yena di actividad y tayer p’e
docentenan pa pone enfasis riba nan conocemento, nan esfuerso
y nan amor pa nan trabao”, Minister Michelle Hooyboer-Winklaar
ta enfatisa.
Pabien Ceque College.