Page 24 - AWM 8 OCT,2015
P. 24
24 AWEMainta Diahuebs, 08 Oktober 2015
Hilton Aruba Caribbean
Resort & Casino a celebra
siman di aprecio p’e ekipo
di Housekeeping
RECIENTEMENTE Hilton Aruba
Caribbean Resort & Casino a rindi honor
na su ekipo excepcional di Housekeeping
durante e siman internacional di aprecio di
Housekeeping. Cu e tema di “Keep Calm and
Shine On”, e resort a prepara un siman yen di
actividadnan divertido p’e departamento cu
realmente t’e curason di e hotel.
E siman di celebracion a cuminsa cu un Santo
Sacrificio di Misa sigui pa un dushi desayuno
den e Grand Caribbean Ballroom, caminda
cu Gerente General Olivier Maumaire a
gradici su coleganan pa nan dedicacion y p’e
tremendo trabou cu nan ta desplega durante
henter aña.
E celebracion a continua durante henter
un siman cu un cantidad di actividadnan
divertido. Un di e actividadnan cu mas a
destaca tabata e competencia tradicional
di Drecha Cama, cu a percurpa pa un rato
super agradabel cu hopi harimento, ora cu
e miembro nan di ekipo di Housekeeping a
presencia con gerente di e hotel a intenta di
prepara e camanan perfectamente den algun
minuut di tempo, conforme cu e standardnan
di e hotel.
Tambe e ekipo di Housekeeping a gosa di otro
actividadnan manera wega di bingo, pizza
party, un atardi na Parke Arawa y a culmina e
siman di celebracion cu un tremendo bus trip.
