Page 25 - AWM 8 OCT,2015

AWEMainta Diahuebs, 08 Oktober 2015 25

Les di zumba gratis
durante Carubbian
Festival

DESDE diahuebs awor, dia 8 di october, te cu dia 5 di november

lo tin les di Zumba gratis durante Carubbian Festival.
E organisacion di Carubbian Festival a uni forsa cu e comision tras
di Aruba Reggae Festival pa asina ofrece nos comunidad y turista
un forma di movecion y entretenimento, na caminda p’e Aruba
Reggae Festival cu lo tuma lugar riba dia 6, 7 y 8 di november.

E lesnan ta wordo duna dor di intructora di Zumba certifica, Yadira
Leter y ta cuminsa tur diahuebs pa 7’or di anochi net dilanti di
Charlie’s Bar. Yadira ta sumamente entusiasma pa presenta su
lesnan riba ritmo Caribense, manera Soca, Zouk, Dancehall y mas
cu claro Reggae. Yadira ta uza canticanan cu letra positivo pa su
lesnan di Zumba p’asina inspira e participantenan den un forma
masha unico y energetico.

Esaki ta untremendo oportunidad pa haci ehercisio y movecion
completamente gratis y sera conoci cu e lesnan di Yadira cu
lo cuminsa su propio lesnan na San Nicolas na november. E
organisacion a percura pa extra iluminacion den e area pa asina
participantenan por move cu mas siguridad.

Despues di Zumba, e ambiente ta continua cu musica live di
bandanan di reggae local di 8:30 pa 9:15 di anochi. E siman aki bou
encargo di Roots Militants. Tur diahuebs lo ta posibel pa registra
p’e lesnan di Yadira na november y lo por
ricibi mas informacion di Aruba Reggae
Festival n’e ticket sales booth. Lo tin
ticket na benta p’e festival tambe.

E organisacion tras di Aruba
Reggae Festival ta sumamente
agradecido n’e comision di
Carubbian Festival p’e oportunidad
y ta invita henter pueblo
di Aruba pa asisti
n’e lesnan di
Zumba
gratis.

Despues
di los e
pianan, por
keda disfruta di
e ambiente musical
y demonstra e pasonan
cu a wordo practica
durante Zumba
rib’e musica di nos
talentonan local.