Page 6 - download

6| DIASABRA 15 JANUARI 2022 AWEMainta.com
Dama herida den accidente di

trafico cu problema pa hala rosea

DIABIERNA atardi den careda di 4'or

Polis y ambulance a bay riba e caminda

di Hooiberg pa Santa Cruz, unda lo tin

un accidente cu hende herida.

Na yegada Polisnan a topa cu un Toyota

Yaris y un dienstwagen Ford Figo.

Mirando e situacion di un di e

chauffeurnan a pidi un ambulance cu

urgencia, debi cu e dama lo no por a

hala rosea bon. Polis mester a cuminsa

guia trafico den ambos banda, mirando

cu e momento ey trafico a cuminsa bira

basta druk.

Na yegada di ambulance, e paramediconan a

bay atende e dama y tabata bise p’e trankilisa

y trata na hala rosea trankilo. Esey no tabata

yuda mucho si mester bisa.

Paramediconan a bisa e dama sali di e auto

y subi riba e brancard. Visiblemente e dama

tabata mustra bastante exita y tabata soda y

tosa hopi.

Polis di Trafico tambe a presenta n’e sitio. E

accidente a sosode riba un Y-splitsing y no

dunamento di preferencia lo por t’e causa.

Ambulance a transporta e dama pa Hospital.