Page 8 - download
P. 8
8| DIASABRA 15 JANUARI 2022 AWEMainta.com
Boostershots awor pa
hobenanan di 18 aña bay ‘riba
ENTRANTE 14 di januari 2022 DVG ta
informa cu e edad pa ricibi e "boostershot" ta
wordo reduci na 18 aña bay ‘riba.
Bo ta bin na remarke si bo a ricibi bo di dos
vacuna di Covid mas cu 3 luna pasa. Loke si
ta pone cu bo no lo por bin na remarke na
mes momento aki p’e “boostershot” ta si a test
positivo menos cu 3 luna pasa.
Tur vacuna incluyendo "booster" por wordo
busca na Centro Libertador Betico Croes na
Santa Cruz. Orario di vacunacion ta di 8'or di
mainta pa 3'or di atardi 'non-stop' di dialuna
pa diabierna y por walk-in!
Homber herida durante cu lo tawata baha cement
DIABIERNA den oranan di merdia pa mas o
menos 1'or, Polis y ambulance a bay patras di
un supermercado situa poco pabou di Rotonde
di Dadelstraat.
Ey banda un persona lo a resulta herida.
Esaki tabata momento cu algun homber
tabata bahando saconan di cement for di un
container. Ta wordo bisa cu e lo a ser primi
contra algo.
Con exactamente el a sosode no ta mucha cla, pero na yegada di
ambulance e Paramediconan a trata e homber. Polis tabata tumando tur
dato necesario.
Un cabayero di DTI cu tabata den cercania mesora a tuma contacto cu
e departamento, debi cu e mes lo no tabata trahando.
A ser bisa cu e homber a ser primi entre e container y saconan di
cement. Con esey a sosode ta ser investiga.
