Page 16 - AWEMAINTA
P. 16
16 AWEMainta Diamars, 3 October 2017
BUNITA
CEREMONIA DI
APERTURA DI E
WEGANAN SUR
AMERICANO HUBENIL
SANTIAGO 2017
DIABIERNA anochi den Estadio Nacional Julio
Martinez, e di dos edicion di e Weganan Sur Ameri-
cano Hubenil a keda oficialmente inaugura na ciudad
di Santiago capital di Chile.
Mas cu 10.000 espectador a presencia un bunita cer-
emonia cu a wordo brinda n’e demas atleta, invitado
y bishitantenan den e stadion nacional.
Mester bisa cu a pasa e historia di Chile unda a ilustra
e cultura di e pais cu Santiago como e ciudad di mas
grandi di e pais Chileno.
Un total di casi 1500 atleta hoben considera como
prospectonan grandi den deporte, procedente di
14 pais di e continente America lo competi den 20
disciplina deportivo durante e proximo 12 dianan di
competencia.
Entre e paisnan participante mas cu claro, nos dushi
isla di Aruba, cu ta presente cu un delegacion di 11
atleta den 5 disciplina di deporte.
E delegacion di Aruba a desfila cu padilanti e aban-
derado e hoben prospecto den e deporte di combate,
Chiara Petrocchi.
E ex-tenista profesional y heroe di Chile, Nicolas
Massu a haya e honor pa sende e pebetero cu e can-
dela Olimpico
Notable ta cu mirando e Weganan Olimpico Hubenil
Buenos Aires 2018 celebra otro aña na Argentina,
mayoria pais a opta pa bin cu nan mihor atletanan
n’e weganan na Chile cu miras p’e proximo aña.
Mester bisa cu pa nos delegacion hubenil esaki ta-
bata nan prome experencia bou di e capa di Comite
Olimpico Arubano unda nan a participa na un desfile
di e magnitud aki.
Por a nota e sonrisa grandi riba cara di cada un di
nos muchanan cu a disfruta di un espectaculo unico,
unda nan a baila y saluda e publico presente durante
di henter e desfile p’asina demostra cu apesar Aruba
tin un delegacion chikito, tur hende lo keda corda
riba Aruba.
Asina tambe e “2do Juegos de la Juventud Santiago
2017” a keda oficialmente inaugura.
