Page 15 - ATA front covers-14_Neat

A traves di bishita na museo y charla a conoce e historia di nos isla, p. e. ken tabata e
prome habitantenan, con e industria a desaroya den tempo, su efecto riba nos comunidad
y cua ta nos cuminda y bailenan tradicional.

Pa loke ta trata turismo, e participantenan di Summer ’S Cool a siña con esaki a cuminsa
na Aruba, e perfil di nos bishitantenan, e vision general di turismo y e papel cu Aruba
Tourism Authority y Aruba Hotel And Tourism Association (AHATA) ta hunga den
esaki.

Tambe nan por a wak di serca con e ta pa traha den e industria turistico.

A splica kico ta excelencia den servicio, kico ta hospitalidad y e importancia pa tin e
actitud corecto y cordial.

Ademas a toca e tema di sostenibilidad, papiando di e nificacion, nos retonan actual y
areanan protegi.

“E Summer School Camp tabata un evento sumamente diverso y exitoso na unda e
muchanan tabata hopi entusiasma pa participa. Manera e dianan tabata progresando por a
nota cu e muchanan tabata mas inspira y orguyoso di ta biba riba Aruba, logrando e meta
principal di e programa”, sra. Indra Zaandam, directora di ACP a expresa durante e
ceremonia di certificacion di e hobennan.

E idea ta pa logra resultadonan riba termino largo y un continuacion di e ‘compromiso’
cerca e futuro trahadornan di nos industria turistico. Elementonan principal di e programa
regular di ACP ta ahusta den un programa adapta p’e hobennan, cu aspecto di
conocemento y servicio presenta den sesionnan y paseonan.

Aruba Certification Program (ACP) ta un programa dirigi pa Aruba Tourism Authority cu
e mision cu a traves di educacion, preserva y mehora Aruba su calidad di servicio y
amabilidad cu tanto nos Aruba ta conoci p’e.

Aruba Certification Program lo continua despues di vakantie grandi y ta dirigi na
certificacion di adultonan cu ta traha directamente y indirectamente den e industria
turistico.